जम्मू। महाराजा हरि सिंह पऽ टिप्पणी कइला के विरोध में राष्ट्रीय बजरंग दल सोशल मीडिया में लोकप्रिय खान सर (Khan Sir) के खिलाफ प्रदर्शन कइलस। कार्यकर्ता लोगन के कहनाम बा कि खान सर जम्मू-कश्मीर के महाराजा हरि सिंह पs विवादित टिप्पणी कइलें आ एकरा के कवनो हाल में सहन ना कइल जा सकेला।
प्रदेश अध्यक्ष राकेश बजरंगी कहनाम बा कि खान सर के जम्मू-कश्मीर के महाराजा आ उनका के दूरदृष्टि के बारे में कवनो ज्ञान ना बा। उ जवन टिप्पणी महाराजा पs कइलें ओकरा से डुग्गर समाज आहत भइल बा। एक तरे से खान सर डोगरा शासक के अपमान कइले बाड़ें।
बहरहाल प्रशासन के काम बा कि खान साहब के विरुद्ध मामिला दर्ज करे आ उनकरा के जेल में डालल जाव। महाराजा हरि सिंह के विरुद्ध कवनो तरे के बात डोगरा लोग सहन ना करी। खान सर पहिले जम्मू-कश्मीर के इतिहास आ महाराजा के सोच पऽ अध्ययन कs के आवस आ कवनो टिप्पणी करस। महाराजा के विरुद्ध उ जवन टिप्पणी कइलें, ओकरा खातिर खान सर माफी मांगस।
ई बुहत दुर्भाग्यपूर्ण बा’
शिक्षक आ यूट्यूबर खान सर के महाराजा हरि सिंह के बारे में टिप्पणी पऽ डोगरा शाही परिवार के कुवांरी रितु सिंह कहली कि काल्ह, हम उनका बयान के बारे में पढ़त आ सुनत रहनी, आ हमार मानल बाा कि ई बहुते दुर्भाग्यपूर्ण बा।
Khan Sir का बोललें?
खान सर एगो इंटरव्यू में कहले रहलें कि ‘कश्मीर महाराजा हरि सिंह के गलती रहे कि उ कश्मीर के स्विट्जरलैंड बनावल चाहत रहस। खान सर कहलें कि उनका घर के रिश्तेदारन के पाकिस्तान लेके गइल, तब जा के ई आत्मसमर्पण कइलें। उनकर कहनाम बा कि देस 15 अगस्त के स्वतंत्र भइल आ उ 26 अक्टूबर माने दू महीना बाद सरेंडर कइलें। खान सर हरि सिंह के स्वार्थी बतवलें।
