टेक डेस्क। ई-कॉमर्स कंपनी अमेजन अमेरिका में बेचल INIU ब्रांड के लाखन पावर बैंक वापस मंगा रहल बिया। एह पावर बैंकन में आग लागे के खतरा सामने आइल बा। एकरा चलते यूएस कंज्यूमर प्रोडक्ट सेफ्टी कमीशन (CPSC) तुरंत रिकॉल के आदेस दे देलस। ई सब पावर बैंक अगस्त 2021 से अप्रिल 2022 के बीच अमेजन पs बेचाइल रहे।
लाखन यूनिट वापस मंगावल जा रहल बा
जानकारी के अनुसार, करीब 2.10 लाख पावर बैंक एह रिकॉल में सामिल बा। आग लगला, प्रॉपर्टी नुकसान भइला आ लोग घायल होखला जइसन ममिला बढ़ला के बाद ई कार्रवाई भइल बा। ई रिकॉल खाली अमेरिकी ग्राहकन खातिर बा।
ई प्रोडक्ट Inui BI-B41 नाम से अमेजन अमेरिका पs बिकत रहे, कीमत करीब 18 डॉलर (लगभग 1,600 रुपिया)।
3.60 करोड़ के प्रॉपर्टी नुकसान
INIU कंपनी के 15 शिकायत मिल चुकल बा कि पावर बैंक जरूरत से जादे गरम हो गइल। 11 केस में आग लगला के रिपोर्ट बा। एमे तीन लोग हल्का झुलस गइल, जबकि कुल 4 लाख डॉलर (लगभग 3.60 करोड़ रुपिया) के प्रॉपर्टी तबाह हो गइल।
कंपनी बतावत बिया कि रिकॉल में सामिल यूनिट्स के सीरियल नंबर निम्न बा
-000G21, 000H21, 000I21, 000L21
कचरा में फेंकल गइल तs बढ़ी खतरा
ग्राहकन के सलाह दिहल गइल बा कि एह पावर बैंकन के तुरंत इस्तेमाल बंद कs दिहल गइल। रिफंड देवे के प्रक्रिया सुरू कइल गइल बा।
CPSC के अधिकारी चेतावल लोग कि ई पावर बैंक के साधारण कचरा में फेंकल खतरनाक बा- एकरा से आग लाग सकेला। एकरा से ई सामान के हजार्ड वेस्ट सेंटर पs ले जाके सुरक्षित तरीका से डिस्पोज करे के सलाह दिहल गइल बा।
