दिल्ली के तिहाड़ जेल में फेरु भइल कांड, 26 साल के कैदी जावेद कइलस सुसाइड, पुलिस जांच में जुटल

By Minee Upadhyay On May 23, 2023

दिल्ली के तिहार जेल में जावेद नाम के एगो कैदी आत्महत्या क लेले बा। बतावल जाता कि कैदी के उमर 26 साल बतावल जाता। तिहार जेल में हरिनगर थाना के पुलिस मामला के छानबीन में जुटल बिया।

नई दिल्ली : दिल्ली के तिहार जेल अक्सर खबर में रहेला। कई गो डरावना कैदी इहाँ बंद बाड़े। एही बीच खबर मिलल बा कि इहाँ जावेद नाम के एगो कैदी आत्महत्या क लेले बा। बतावल जाता कि कैदी के उमर 26 साल बतावल जाता अवुरी सूत्र के मुताबिक सोमवार के ही उनुका के दोषी करार दिहल गईल। हरिनगर थाना के पुलिस तिहार जेल में एह मामिला के जाँच करत बिया।

जानकारी के मुताबिक कैदी फांसी लगा के आत्महत्या क लेलस। पुलिस लाश के हिरासत में लेके पोस्टमार्टम खातीर भेज देले बिया। अभी तक आत्महत्या के कारण के खुलासा नईखे भईल। दोषी जावेद के 22 मई के अतिरिक्त सत्र न्यायाधीश-द्वितीय (एफटीसी) साउथ दोषी ठहरवले रहले। एकरा बाद उनुका के केंद्रीय जेल नंबर 8/9 ले आवल गईल।