रेलवे बोर्ड के ओर से रेल यात्रियन खातिर निम्मन समाचार आइल बा। मौर्य एक्सप्रेस में पिछिलका एक हप्ता से बंद जून महीना के टिकटन के बुकिंग बुध के बिहानें से सुरू हो गइल। टिकटन के बुकिंग सुरू भइले से गरमी की छुट्टी में बिहार अउर पूर्वांचल जाए आला यात्रियन के परसानी कम होई। रेलवे एह ट्रेन के एलएचबी कोच से चलवले के घोषणा कइले बा। एलएचबी कोच जुड़ते भर में फ़र्स्ट एसी के कोचओ जुड़ जाई। एकरिये संगे मौर्य एक्सप्रेस में पहिली बेर यात्री फ़र्स्ट एसी से सफर क पइहें लोग| हालाकि धनबाद से गोरखपुर ले पहुचे खातिर फ़र्स्ट एसी के केराया 2440 रुपया चुकावे के पड़ी। गोरखपुर से आठ जून से अउर हटिया से नौ जून से मौर्य एक्सप्रेस एलएचबी कोच के संगे चली।
जानीं कौने जगही से कौने जगही ले केतना पड़ी किराया
- धनबाद से छपरा फ़र्स्ट एसी में 1970 रुपया
- धनबाद से बरौनी फ़र्स्ट एसी में 1175 रुपया
- धनबाद से सिवान फ़र्स्ट एसी में 2130 रुपया
- धनबाद से हाजीपुर फ़र्स्ट एसी में 1735 रुपया
साभार – दैनिक जागरण
