गोरखपुर एम्स में खाद्य पदार्थ के गुणवत्ता के लेके शिकायत कम नइखे होखत। परिसर में चले वाला एगो आउर रेस्टोरेंट से आइल खाना में कीड़ा मिलला के शिकायत एगो परिचारक कइले बा। हालांकि अस्पताल के वार्ड में खाना के पैकेट खोलल गइल, होटल संचालक के कहनाम बा कि खाना खात घरी कुछ कीड़ा ऊपर से गिर गइल होई।
एम्स में पुष्पा खाद्य सेवा के तीनों कैंटीन आ दुनो आउटलेट बंद बा, बाकिर रात के आश्रय स्थल के नजदीक दोसरा संगठन के कैंटीन चलऽता। सोमार के सांझ के सैनीक विहार कालोनी निवासी अटेंडेंट अजय नारायण तिवारी एह कैंटीन से खाना पैक करवले रहले।
अजय नारायण अपना 13 साल के बेटा के बाल रोग विभाग के आईपीडी में भर्ती करवले बाड़े। उनकर आरोप बा कि होटल से खाना पैक करावे के बाद उऽ वार्ड में ले अइले आ बिछौना पs रखला के बाद खाना खात घरी सब्जी में कीड़ा देखाई देलस। एकरा बारे में उऽ होटल संचालक से शिकायत कइले। होटल संचालक बतवले कि इहाँ के पैकिंग चाहे खाना में कुछूओ ना मिलल। संभव बा कि जहाँ परिचार बिछौना पर खात रहले ओहिजा कवनो कीड़ा गिरल होखे।
