गोरखपुर में मीरा पांडेय हत्याकांड के मुख्य आरोपी मुठभेड़ में गिरफ्तार, दूसरा साथी कालू उर्फ कृष्णा भी पुलिस के हत्थे चढ़ल

गोरखपुर। वाराणसी हाईवे पर बेलीपार इलाका में मीरा पांडेय के हत्या में शामिल एगो बदमाश के पुलिस आ क्राइम ब्रांच के टीम बियफे के भोर में मुठभेड़ के दौरान गिरफ्तार कर लिहलस। कसिहार बंधा के लगे घेराबंदी के दौरान आरोपित पुलिस टीम पर गोली चला दिहलस।

जवाबी कार्रवाई में ओकर दहिना गोड़ में गोली लाग गइल। घायल आरोपित के इलाज खातिर अस्पताल भेजल गइल बा। एह घटना में शामिल दूसरा आरोपित लालू उर्फ कृष्णा के भी पुलिस गिरफ्तार कर लिहले बिया।

एसपी दक्षिणी दिनेश कुमार पुरी बतवलें कि गिरफ्तार आरोपित के पहचान बेलीपार इलाका के चंदौली बुजुर्ग निवासी संजय निषाद के बेटा रवि निषाद (23) के रूप में भइल बा। मुखबिर से सूचना मिलला पर बेलीपार पुलिस आ क्राइम ब्रांच के टीम कसिहार बंधा के लगे घेराबंदी कइले रहे। आरोपित के आत्मसमर्पण करे खातिर कहल गइल, बाकिर ऊ गोली चलावे लागल।

जवाबी कार्रवाई में गोली लागला से ऊ घायल हो गइल। पुलिस ओकरा के सबेरे करीब 3:20 बजे हिरासत में ले लिहलस। मौका से .315 बोर के एगो तमंचा, दू गो जिंदा कारतूस आ एगो खोखा कारतूस बरामद भइल बा। एह कार्रवाई में बेलीपार पुलिस के साथ एंटी थेफ्ट टीम, एसओजी, स्वाट आ सर्विलांस टीम शामिल रहल।

25 अक्टूबर के दर्ज भइल रहे हत्या के मुकदमा :

मलांव गाँव के रहे वाला संतोष पांडेय 25 अक्टूबर के बेलीपार थाना में तहरीर देके बतवले रहलें कि ऊ अपना पत्नी मीरा पांडेय के साथ मोटरसाइकिल से घरे जात रहलें। बेलीपार में टोल प्लाजा से आगे बढ़ला पर मोटरसाइकिल सवार दू गो लोग उनकर पत्नी के जान से मारे के नीयत से धक्का मार दिहलें।

READ MORE: इजरायल में अरब पार्टियन के बढ़ल ताकत, 19 सीट जीत के दावा; नेतन्याहू लगवलें वोट चोरी के आरोप

https://khabarbhojpuri.com/israel-arab-parties-kingmakers-netanyahu-vote-rigging-allegations/

सड़क पर गिरला से मीरा गंभीर रूप से घायल हो गइली। इलाज के दौरान उनकर मौत हो गइल। तहरीर के आधार पर पुलिस हत्या के प्राथमिकी दर्ज कइले रहे। पुलिस के मुताबिक, रवि निषाद के खिलाफ मारपीट, धमकी आ हत्या के कोशिश से जुड़ल तीन गो मुकदमा पहिले से दर्ज बा।