गोरखपुर। डीएवी पीजी कॉलेज, गोरखपुर में राष्ट्रीय सेवा योजना आ राष्ट्रीय कैडेट कोर के संयुक्त तत्वावधान में 10 अगस्त 2026 के ‘हर घर तिरंगा अभियान’ के तहत मुख्यमंत्री तिरंगा यात्रा में कॉलेज के छात्र-छात्रा उत्साहपूर्वक सामिल भइल लोग। एनएसएस के स्वयंसेवक आ एनसीसी कैडेट्स तिरंगा झंडा लेके कॉलेज के प्रतिनिधित्व कइल लोग।
बख्शीपुर से टाउनहॉल तक निकलल तिरंगा यात्रा
एनएसएस कार्यक्रम अधिकारी प्रतिभा गुप्ता आ डॉ. शत्रुघ्न सिंह आउर एनसीसी प्रभारी लेफ्टिनेंट डॉ. मनोज श्रीवास्तव के नेतृत्व में विद्यार्थियन के पदयात्रा डीएवी पीजी कॉलेज, बख्शीपुर परिसर से सुरू भइल।
विद्यार्थी हाथ में तिरंगा लेके देसभक्ति से भरल नारा लगावत टाउनहॉल तक पहुंचल लो। पूरा यात्रा के दौरान छात्र-छात्रन में उत्साह आ देसभक्ति के भावना साफ देखाई देत रहे।
मुख्यमंत्री तिरंगा यात्रा में विद्यार्थियन के भागीदारी
टाउनहॉल पs जुटला के बाद डीएवी पीजी कॉलेज के विद्यार्थी मुख्यमंत्री तिरंगा यात्रा में सामिल भइल लो। एह दौरान विद्यार्थी देस के प्रति अपना प्रेम, भक्ति आ समर्पण के भावना व्यक्त कइल लो।
क्षेत्रीय उच्च शिक्षा अधिकारी, गोरखपुर प्रो. उदयभान तिरंगा यात्रा में मवजूद रहलें आ विद्यार्थियन के उत्साह बढ़वलें। उहां विद्यार्थियन के देसभक्ति आ सक्रिय भागीदारी के सराहना कइल गइल।
कॉलेज परिसर में वापस लवटल लो विद्यार्थी
मुख्यमंत्री तिरंगा यात्रा में हिस्सा लेला के बाद एनएसएस स्वयंसेवक आ एनसीसी कैडेट्स टाउनहॉल से दोबारा पदयात्रा करत डीएवी पीजी कॉलेज परिसर में वापस आ गइल लो।
तिरंगा यात्रा के दौरान विद्यार्थियन में देसभक्ति के जोश देखे के मिलल। छात्र-छात्रा हाथ में राष्ट्रीय ध्वज लेके उत्साह के संगे पूरा कार्यक्रम में सामिल रहल लो।
विद्यार्थियन के रहल सक्रिय भागीदारी
मुख्यमंत्री तिरंगा यात्रा में आदर्श, आयुष, रहीम, नितेश, प्रिंस, सानिया, अजय, कृष्णा, अनमोल, दृष्टि, छाया, विद्या, जया, संध्या, ऋतिक, हिमांशु आ अभय समेत एनएसएस के कइयन गो स्वयंसेवक आ एनसीसी के कइयन गो कैडेट्स उत्साहपूर्वक सामिल भइल लो।
एह कार्यक्रम के माध्यम से विद्यार्थियन में राष्ट्रप्रेम, राष्ट्रीय एकता आ देस के प्रति जिम्मेदारी के भावना के संदेश पहुंचावल गइल। ‘हर घर तिरंगा अभियान’ के तहत आयोजित ई तिरंगा यात्रा विद्यार्थियन के बीच देसभक्ति के भावना मजबूत करे वाला रहल।
Read Also: Share Market : शेयर बाजार में हलचल, सेंसेक्स 178 अंक चढ़ल, निफ्टी 24,600 के पार
