हरपुर बुदहट इलाका के एगो गांव में 40 साल के महिला के फावड़ा से काट के हत्या करे वाला आरोपी अजीत यादव (28) ट्रेन के सोझा कूद के आत्महत्या कs लेले। बियफ़ें के देर सांझ गीडा इलाका के गांहासाड़ रेलवे क्रासिंग पs उनुकर शव मिलल। शुक के अजीत के चचेरा भाई अमन यादव शव के पहचान कईले। पुलिस शव के पोस्टमार्टम खातीर भेज देलस।
महिला के छोट बेटा किशन बियफ़ें के अजीत यादव पs हत्या के आरोप लगावत शिकायत दर्ज करवले। एकरा बाद पुलिस तुरंत ओही गांव में स्थित अजीत के घर पहुंचल तs पाता चलल कि उs सबेरे-सबेरे निकलल रहले बाकिर वापस ना आईल। पुलिस जब मोबाइल नंबर पs फोन कईलस तs इहो कहलस कि मोबाइल नंबर बंद बा। एकरा बाद पुलिस के शक भईल। पुलिस मामला दर्ज कs के ओकरा के तलाश में जुटल बिया.
पुलिस के मानल बा कि हत्या के बाद आरोपी आत्महत्या कs लेलस। संत कबीरनगर जिला के निवासी अजीत के माता-पिता के मउत सात साल पहिले हो गईल रहे। उs अपना मातृगृह में रहत रहले। हत्यारा अजीत के मौत के संगे महिला के हत्या के राज भी दफन हो गईल बा।