ट्राई जनवरी 2025 में दूरसंचार कंपनी सभ द्वारा जोड़ल आ खोवल यूजर सभ के नया डेटा जारी कइले बा।दूरसंचार नियामक के ताजा रिपोर्ट के अनुसार एक बेर फिर से एयरटेल आ जियो लाखों यूजर लोग के अपना नेटवर्क में जोड़ दिहले बाड़ें। एकरा संगे बीएसएनएल अवुरी वी के लाखों यूजर के नुकसान भईल बा। भारत में मोबाइल यूजर के संख्या में भी तेजी से बढ़ोतरी भईल बा। मोबाइल यूजर के संख्या में हर महीना 0.55% के बढ़ोतरी दर्ज भईल बा।
115 करोड़ मोबाइल यूजर बाड़े
ट्राई के आंकड़ा के मोताबिक भारत में वायरलेस (मोबाइल) यूजर के संख्या 1150.66 मिलियन यानी 115.6 करोड़ पार कs चुकल बा। अबकी बेर नियामक मोबाइल श्रेणी में 5जी यूजर के संख्या सूचीबद्ध कईले बा। पहिले ई फिक्स वायरलाइन कैटेगरी में रहे। कारण बा कि मोबाइल यूजर के संख्या में इs बढ़ोतरी देखल गईल बा।
जनवरी 2025 में एयरटेल अपना नेटवर्क में अधिकतम संख्या 16.5 लाख मने कि 16.5 लाख नया यूजर जोड़ के अगुवाई कइलस। एकरा संगे रिलायंस जियो भी अपना नेटवर्क में 0.68 मिलियन यानी 6.8 लाख नया यूजर जोड़ले बा। वोडाफोन आइडिया के यूजर के सबसे जादा नुकसान भईल बा। कंपनी के 13.3 लाख यानी अपना नेटवर्क से लगभग 13 लाख यूजर के नुकसान भईल बा। एकरा अलावे सरकारी दूरसंचार कंपनी बीएसएनएल के भी करीब डेढ़ लाख यूजर के नुकसान भईल बा।
जियो के बादशाहत
6 लाख से अधिका नया यूजर जोड़ला के बाद जियो के बाजार हिस्सेदारी 40.46 प्रतिशत तक पहुंच गईल बा। कंपनी के यूजर के संख्या 46.58 करोड़ हो गईल बा। एकरा संगे एयरटेल दूसरा नंबर पs आपन पैर मजबूती से कायम कईले बिया। कंपनी के बाजार हिस्सेदारी बढ़ के 33.61 प्रतिशत हो गईल बा। एयरटेल के मोबाइल यूजर के कुल संख्या 38.69 करोड़ के पार हो गईल बा।
वी के बाजार हिस्सेदारी घट के 17.89 फीसदी हो गइल बा. कंपनी के फिलहाल 20.59 करोड़ यूजर बाचल बाड़े। एकरा संगे बीएसएनएल के बाजार हिस्सेदारी मात्र 7.95 प्रतिशत बा अवुरी कंपनी के यूजर के संख्या 9.15 करोड़ बा। एह तरह से भारत में कुल मोबाइल सब्सक्राइबर में से 91.96 प्रतिशत यूजर निजी दूरसंचार कंपनी के संगे बाड़े।
इहो पढ़ीं: सबेरे-सबेरे: गर्दन के समस्या करत बा परेसान, तs रोजे करीं इs Exercise
