Khabar Bhojpuri
भोजपुरी के एक मात्र न्यूज़ पोर्टल।

बिहार में वंदे भारत एक्सप्रेस पs पथराव!: न्यू जलपाईगुड़ी-हावड़ा के बीच शीशा टूटल, रेलवे कहलस- CCTV जांचल जा रहल बा

Vande Bharat Express: बिहार में वंदे भारत एक्सप्रेस पs पथराव के खबर सामने आइल बा। पश्चिम बंगाल के दालकोला आ बिहार के तेलता स्टेशन के बीच पथराव के सूचना बा। ई क्षेत्र बिहार में कटिहार जिला के बलरामपुर थाना क्षेत्र में बा।

632

वंदे भारत एक्सप्रेस पs एक बेर फेर से पथराव के खबर सामने आइल बा। पश्चिम बंगाल के दालकोला आ बिहार के तेलता स्टेशन के बीच पथराव के सूचना बा। ई क्षेत्र कटिहार के बलरामपुर थाना क्षेत्र में बा। पुलिस जांच में जुटल बिया, जबकि पूर्वोत्तर सीमांत रेलवे (NEFR) अपना स्तर से सीसीटीवी के जांच करा रहल बा। NEFR के मुख्य जनसंपर्क अधिकारी सब्साची डे शीशा टूटला के पुष्टि कइलस। ऊ कहलें कि न्यू जलपाईगुड़ी-हावड़ा के बीच चले वाला वंदे भारत के शीशा तs टूटल बा बाकिर ई पथराव से भइल भा कवनो कारण से, एकर पुष्टि ट्रेन के अंदर लगला सीसीटीवी फुटेज से कइल जा रहल बा।

वंदे भारत एक्सप्रेस में घटना के सूचना पs स्टेशन पs पहुंचल लोग लगवलस नारा- भारत माता के जय। – फोटो : अमर उजाला

बोगी C-6 के खिड़की के शीशा टूटल

प्रत्यक्षदर्शियन से मिलल सूचना के आधार पs कटिहार पुलिस KM.118-122 के बीच पथराव के घटना के जांच कर रहल बिया। पथराव से बोगी संख्या C-6 (NO.P6227667) के खिड़की के शीशा टूटल बा। कटिहार के बलरामपुर थाना क्षेत्र के एह घटना के बारे में अभी GRP-RPF भा बिहार पुलिस के ओर से जुड़ल कइयन आधिकारिक जानकारी नइखे दिहल जा रहल। पुलिस जांच में जुटल बिया। एकरा पहिलहू बिहार के किशनगंज में आ बंगाल के कुछ इलाकन में वंदे भारत ट्रेन पs पथराव हो चुकल बा।

442730cookie-checkबिहार में वंदे भारत एक्सप्रेस पs पथराव!: न्यू जलपाईगुड़ी-हावड़ा के बीच शीशा टूटल, रेलवे कहलस- CCTV जांचल जा रहल बा

ईमेल से खबर पावे खातिर सब्सक्राइब करीं।

Get real time updates directly on you device, subscribe now.

Comments are closed.