अरवल में लालू के करीबी पूर्व विधायक के बेया के हत्या हो गइल बा। अरवल से राजद के पूर्व विधायक रविंद्र सिंह के छोट बेटा दिवाकर कुमार के गोली मारके हत्या कs दिहल गइल बा। घर के बाहर खलिहान में अपराधी दिवाकर के सीना में पांच गोली दगले बाड़े सs। जवना से ओकर घटनास्थल पs मौत हो गइल।
औरंगाबाद के दाउदनगर नगर के हिक्षण बिगहा गांव में सुक के रात अपराधी वारदात के अंजाम देले सs। घटना के अंजाम देवे से पहिले बदमाश गांव के बिजली काट देले रहले सs। एही गांव में लालू यादव के बेटी रोहिणी आचार्य के बियाह भइल बा। रविन्द्र सिंह राजद सुप्रीमो लालू यादव के करीबी बतावल जालें।
एकरा के पढ़ीं: NFC Payment: जदि रउआ बिना इंटरनेट आ बिना कार्ड पेमेंट कइल चाहत बानी
वारदात को अंजाम देला के बाद अन्हार के फायदा उठाके अपराधी फरार हो गइले सs। मवका पs पहुंचल पुलिस के ग्रामीणन के आक्रोश झेले के पड़ल। जवना के बाद भारी संख्या में पुलिस बल के तैनाती कइल गइल बा। पूरा गांव में पुलिस कैंप कs रहल बिया।
रोहणी आचार्य के एही गांव में भइल बा बियाह
हालांकि हत्या के कारण अभी तक स्पष्ट नइखे हो पाइल। गौर करे वाला बात बा कि जवना गांव में घटना के अंजाम दिहल गइल बा ओहि गांव में राजद सुप्रीमो लालू प्रसाद के बेटी रोहिणी आचार्य के ससुराल बा आ पूर्व विधायक रविंद्र सिंह लालू यादव के करीबी मानल जाले। राजद के टिकट से रविन्द्र सिंह दु बेर चुनाव जीत चुकल बाड़ें।
राशिफल: 15 अप्रिल 2023 के राशिफल
दु बेर विधायक रहल रविंद्र सिंह के बेटा के निर्मम हत्या से समूचा इलाका में सनसनी फइल गइल बा। पुलिस हत्यारन के पकड़े खातिर सोन के तटीय इलाकन में छापेमारी कs रहल बिया। अरवल- औरंगाबाद जिला के बॉर्डर होखला के कारण अपराधी घटना के अंजाम देके फरार हो गइल बाड़े सs।
इहो पढ़ीं: Twitter के माध्यम से हो सकी कमाई! एह यूजर्स खातिर जारी भइल ई नया फीचर्स
