2025 के महाकुंभ शुरू भईल करीब एक महीना हो गईल, अबे लाखन में लोग प्रयागराज पहुंचतारे। बसंत पंचमी के आखिरी अमृत स्नान (शाही स्नान) के बाद नागा संत अपना-अपना गंतव्य खातिर रवाना हो गईल बाड़े। कुछ नागा साधू एहिजा से निकल के सीधे वाराणसी चहुँप जइहें, जहाँ भोलेनाथ के जुलूस निकालल जाई. बसंत पंचमी के दिन अमृत स्नान में करोड़ों लोग भाग लिहले। तब से लोग के मन में सवाल उठत बा कि महा कुंभ के अगिला बड़का स्नान कब होई, तs आईं एकर जवाब जानीं जा…
अगिला बड़का स्नान कब बा?
बता दीं कि महाकुंभ यानी अमृत स्नान के तीन गो राजस्नान खतम हो गइल बा, पहिला अमृत स्नान मकर संक्रांति के भइल, दूसरा अमृत स्नान मौनी अमावस्या के दिन आ तीसरा अमृत स्नान बसंत पंचमी के पूरा भइल। एकरा बाद अब अगिला बड़ आ खास स्नान माघ पूर्णिमा के तारीख यानी 12 तारीख के पड़ रहल बा। अइसना में जे महाकुंभ के बड़का आ फलदायी स्नान के तारीख के इंतजार करत रहे, उs लोग एह तारीख के महाकुंभ जा सकेला।
स्नान आ दान के शुभ समय
12 फरवरी के ब्रह्म मुहूर्ता सबेरे 05.19 बजे से 06.10 बजे ले होई, ओकरा बाद गोधूलि मुहूर्त सांझ 06.07 बजे से सांझ 06.32 बजे ले अवुरी अमृत काल सांझ 05.55 बजे से 07.35 बजे ले होई। हालांकि इs सभ समय शुभ होखेला, बाकिर ब्रह्म मुहूर्त के दिन दान अवुरी स्नान अत्यंत शुभ मानल जाला।
इहो पढ़ीं: Phalguna 2025 Date: कब से शुरू हो रहल बा फाल्गुन मास? जानीं एह दौरान का करे के रही सही आ का नाहीं
