दिल्ली के कालकाजी के भूमिहीन शिविर क्षेत्र में अवैध अतिक्रमण के खिलाफ अभियान चल रहल बा। अवैध भवन के दिल्ली विकास प्राधिकरण (डीडीए) के ओर से गिरावल जाता। मौका पs भारी संख्या में पुलिस बल के तैनाती कईल गईल बा। एकरा से पहिले डीडीए भूमिहीन शिविर के सभ निवासी के आधिकारिक नोटिस जारी कs हाईकोर्ट के निर्देश के पालन करत अवैध झोपड़ी के तोड़े के देखत अपना परिसर खाली करे के निर्देश देले रहे।
सबेरे 5 बजे हटावल जा रहल बा अतिक्रमण
जानकारी के मुताबिक सबेरे पांच बजे से अतिक्रमण दूर कईल जाता। ई अवैध निर्माण डीडीए के जमीन पs भईल रहे। बतावल जाता कि भूमिहीन शिविर क्षेत्र में जेजे क्लस्टर में दु से तीन मंजिला मकान बनल रहे। आज लगभग 300 अवैध निर्माण के तोड़ दिहल गईल। जबकि बाकी लोग पs काल्हु भी बुलडोजर के कार्रवाई जारी रही।
कोर्ट में 10 साल ले मामला चलल
स्थानीय लोग के कहनाम बा कि अवैध निर्माण के तोड़े के मामला 10 साल ले कोर्ट में चलल। झुग्गी-झोपड़ी में रहे वाला लोग के हाईकोर्ट से कवनो राहत ना मिलल। कोर्ट के आदेश के बाद ही एs अवैध निर्माण के गिरावल जाता। बतावल जाता कि इहाँ रहेवाला लोग के भी पुनर्वास खातीर फ्लैट दिहल गईल रहे।
ई तोड़फोड़ डीडीए के ओर से चलावल जा रहल अतिक्रमण विरोधी एगो व्यापक अभियान के हिस्सा हs। 9 जून के निवासी लोग के इलाका खाली करे के नोटिस जारी कईल गईल रहे। करीब 1200 अवैध झोपड़ी गिरावे खातीर पांच बुलडोजर बोलावल गईल।
इहो पढ़ीं: एs राज्य में जाम छलकावल भइल महंगा, सरकार एक्साइज ड्यूटी बढ़वलस, जानीं पूरा बात
