देश के राजधानी दिल्ली में जल्दिए स्वतंत्रता सेनानी विनायक दामोदर सावरकर के नाव पs एगो नया कॉलेज के स्थापना होखे के संभावना बा। उम्मीद बा कि भारत के प्रधानमंत्री नरेंद्र मोदी खुद 3 जनवरी के एs कॉलेज के शिलान्यास कs सकतारे। बता दीं कि दिल्ली विश्वविद्यालय (डीयू) के दू गो नया परिसर पूर्वी आ पश्चिम दिल्ली में बने वाला बा. एकरा संगे कवनो कॉलेज के शिलान्यास के भी संभावना बा जवना के नाव वीर सावरकर के नाम पs राखल जा सकता।
140 करोड़ रुपया के अनुमानित लागत
वीर सावरकर के नाव पs बनल नया कॉलेज के बारे में जानकारी दिल्ली विश्वविद्यालय के सूत्र से दिहल गइल बा. बता दीं कि साल 2021 के शुरुआत में दिल्ली विश्वविद्यालय के कार्यकारी परिषद नजफगढ़ में सावरकर कॉलेज के निर्माण के मंजूरी देले रहे जवना के अनुमानित 140 करोड़ रुपया लागत रहे। डीयू सूत्र बतावत बाड़े कि पीएम मोदी के कॉलेज के शिलान्यास करे के नेवता दिहल गइल बा. एह संबंध में प्रधानमंत्री कार्यालय (पीएमओ) से पुष्टि के इंतजार बा।
पूरब आ पश्चिम परिसर कहाँ बनावल जाई?
दिल्ली विश्वविद्यालय के सूत्र बतावत बाड़े कि विश्वविद्यालय के पूर्वी परिसर के स्थापना सूरजमल विहार में प्रस्तावित बा अवुरी एकरा पs 373 करोड़ रुपया के अनुमानित लागत होई। एकरा संगे द्वारका में विश्वविद्यालय के पश्चिमी परिसर के स्थापना होई।
एह नावन के प्रस्ताव
दिल्ली विश्वविद्यालय के कार्यकारिणी परिषद भी साल 2021 में भाजपा नेता सुषमा स्वराज के नाम पs कॉलेज बनावे के प्रस्ताव के मंजूरी दे देले रहे। एकरा अलावे डीयू के कुलपति के दुनो प्रस्तावित कॉलेज के नाव चुने के अधिकार दिहल गईल। एह नावन के सूची में स्वामी विवेकानंद, वल्लभभाई पटेल, अटल बिहारी वाजपेयी आ सावित्रीबाई फुले जइसन नाम शामिल रहे.
इहो पढ़ीं: सबेरे-सबेरे: इs 3 गो योगासन कंट्रोल कs सकेला यूरिक एसिड
