माई गंगा के पूजा के बाद संगमनगरी पहुंचले मुख्यमंत्री योगी आदित्यनाथ महाकुंभ के तहत चल रहल काम के जायजा लेले। सीएम परेड मैदान में बनल पंडाल में अखिल भारतीय आखरा परिषद के अधिकारी आ प्रमुख ऋषि-संत लोग से बइठक कइलन। एह दौरान सीएम संत लोगन के अंगवस्त्रम से स्वागत कइलन। बइठक में संत लोग महाकुंभ में सुरक्षा आ सुविधा के लेके आपन मांग सीएम के सोझा रखले। संत लोग अधिकारी लोग पs मनमानी के आरोपो लगवले। कहलन कि मेला में संत-ऋषि के समस्या समय रहते समाधान ना हो पावेला।
संगम के किनारे माई गंगा के पूजा आ आरती के बाद मुख्यमंत्री योगी आदित्यनाथ के संगम के किनारे इस्थित बड़े हनुमानजी के दर्शन कइले। एह मौका पs मेयर गणेश केसरवानी, सांसद प्रवीण पटेल, विधायक सिद्धार्थनाथ सिंह, पीयूष रंजन निषाद, गुरु प्रसाद मौर्य, हर्षवर्धन बाजपेयी आदि मौजूद रहले।
सीएम के आगमन के देखत सुरक्षा के विस्तृत इंतजाम कइल गइल। हर कोना-कोना में पुलिस बल तैनात रहे। आलोपीबाग आ संगम इलाका में रूट डायवर्सन कइल गइल। एतवार के चलते यातायात के कवनो भारी दबाव ना रहे।
