दिल्ली के मुख्यमंत्री अरविंद केजरीवाल के सुप्रीम कोर्ट शुक के दिने जमानत दे दिहलस. जमानत मिलला के बाद सांझ ले ले तिहाड़ जेल से बहरी आ गईले। जब केजरीवाल जेल से बाहर निकलले तs आम आदमी पार्टी के कार्यकर्ता, नेता अवुरी समर्थक में उत्साह देखाई देलस। समर्थक बरखा में खड़ा केजरीवाल के स्वागत कइले। ओने सीएम अरविंद केजरीवाल आज शनिचर के दुपहरिया बारह बजे हनुमान मंदिर के दौरा करीहे। उनुका संगे आम आदमी पार्टी के अवुरी नेता भी मौजूद रहीहे। सीएम केजरीवाल आजु हनुमान मंदिर में दर्शन आ पूजा करीहें.
काल्हु केजरीवाल तिहाड़ से बाहर आ गइलन
बता दीं कि शुक के भारी बरखा के बावजूद सीएम अरविंद केजरीवाल के स्वागत में तिहाड़ जेल के बहरी भीड़ जमा हो गईल। केजरीवाल के जेल से रिहाई के बाद आप कार्यकर्ता अवुरी नेता नायक के रूप में स्वागत कईले। ढोलक, उल्लास भरल नाच आ केजरीवाल के पक्ष में नाराबाजी के बीच इलाका के माहौल उत्साह से भरल रहे। इहाँ रंग-बिरंग के छतरी के बाढ़ भी रहे, जवना के मदद से सैकड़ों समर्थक बरखा से बचाव करत रहले। मुख्यमंत्री के रिहाई के सब लोग बेसब्री से इंतजार करत रहे। समर्थक केजरीवाल के समर्थन में नारा वाला पोस्टर अवुरी बैनर लेके आईल रहले, जवना के चलते पूरा इलाका पार्टी के नीला अवुरी पीला रंग से ढंकल रहे।
