नई दिल्ली। दिल्ली पुलिस कॉकरोच जनता पार्टी (सीजेपी) के मुख्य प्रवक्ता सौरभ दास आ राष्ट्रीय प्रवक्ता आशुतोष रांका के जंतर-मंतर से हिरासत में ले लेले बा। दिल्ली पुलिस के अधिकारियन के कहनाम बा कि इलाका में विरोध प्रदर्शन आ सभा करे के अनुमति ना रहे, एकरा बावजूद दुनो नेता जंतर-मंतर पहुंच गइल रहलें। एकरा बाद पुलिस प्रशासन ई कार्रवाई कइलस।
जल्दिए 50 हजार के बांड भरला प मिल गइल रहे जमानत
गौर करे वाला बात बा कि हाल ही में सीजेपी के नेता अभिजीत दीपके, सौरभ दास आ आशुतोष रांका के दिल्ली पुलिस एहतियातन हिरासत में लेले रहे। एकरा बाद दिल्ली के स्पेशल एग्जीक्यूटिव मजिस्ट्रेट कोर्ट ओह लोग के एक साल तक शांति बनवले रखे आ अच्छा आचरण करे के शर्त पर 50 हजार रुपिया के जमानती बांड भरला के बाद जमानत प छोड़ देले रहे।
अभिजीत दीपके एक्स पर जतवलें विरोध
एह मामला में सीजेपी के संस्थापक अभिजीत दीपके एक्स पर पोस्ट क के आपन विरोध जतवले बाड़ें। ऊ लिखलें, ’13 अक्टूबर के सबेरे कॉकरोच जनता पार्टी के सदस्य तिरंगा लेके दिल्ली के जंतर-मंतर के आसपास के प्रतिबंधित इलाका में जा रहल रहलें, बाकिर पुलिस ओह लोग के पकड़ लिहलस।’ दीपके के मुताबिक, एह कोशिश के दौरान आशुतोष रांका, सौरभ दास, अजिंक्य शिंदे आ अउरी कार्यकर्तन के हिरासत में ले लिहल गइल बा।
एह पोस्ट के साथ दीपके घटनास्थल के वीडियो फुटेज भी साझा कइले बाड़ें। एहमें लोग गेट पर चढ़त, झंडा लेके भागत आ बैरिकेडिंग अउरी कड़ा सुरक्षा के बीच दिल्ली पुलिस के अधिकारी लोग के ले जात देखाई दे रहल बा।
बता देइ कि जमानत के शर्तन आ जंतर-मंतर पर लागू प्रतिबंधन के बावजूद दुनो नेता के घटनास्थल पर पहुंचे के बाद पुलिस फेर से ओह लोग के हिरासत में ले लिहलस। इलाका में सुरक्षा बढ़ा दिहल गइल बा।
No comments yet. Be the first to comment!