BPSC 70th CCE Prelims 2024: बिहार लोक सेवा आयोग (BPSC) ‘समाचार पत्रन आ सोशल मीडिया पs प्रसारित कइल जा रहल फर्जी आ भ्रामक रिपोर्टन’ के खारिज कs दिहल गइल बा, जेमे ई बतावल जा रहल बा कि 70वीं एकीकृत संयुक्त प्रतियोगी प्रारंभिक परीक्षा के तारीख 13 दिसंबर, 2024 से बढ़ाके 19 जनवरी, 2025 कs दिहल गइल बा।
बोर्ड के स्पष्टीकरण के बाद अब ई निश्चित हो गइल बा कि बीपीएससी 70वीं सीसीई प्रारंभिक परीक्षा 13 आ 14 दिसंबर के होई। आधिकारिक अधिसूचना के अनुसार, बीपीएससी 70वीं सीसीई के संबंध में कवनो अपडेट आधिकारिक वेबसाइट पs (bpsc.bih.nic.in) पs उम्मीदवारन के संगे साझा कइल जाई।
बीपीएससी 70वीं सीसीई खातिर ऑनलाइन पंजीकरण-सह-आवेदन के अंतिम तिथि 4 नवंबर के समाप्त हो गइल।
मूलतः परीक्षा खातिर आवेदन के अंतिम तिथि 18 अक्तूबर रहे, बाकिर बाद में एकरा के बढ़ा दिहल गइल। आयोग 70वीं प्रतियोगी परीक्षा में 70 आउर रिक्तियन के जोड़ले बा। अब ई परीक्षा बिहार सरकार के अलग-अलग विभागन में 1,957 के जगह 2,027 रिक्तियन खातिर आयोजित कइल जाई।
आयोग के उम्मीद बा कि प्रारंभिक परीक्षा में करीब 7 से 8 लाख अभ्यर्थी सामिल होई लो। पहिले ई परीक्षा 17 नवंबर के होखे के रहे, बाकिर एतना बड़ संख्या में अभ्यर्थियन के सामिल करे खातिर परीक्षा स्थगित कs दिहल गइल। अब ई परीक्षा दु दिन होई ।
एडमिट कार्ड अइसे कइल जा सकी डाउनलोड
एडमिट कार्ड डाउनलोड करे खातिर उम्मीदवार नीचे दिहल निम्नलिखित चरणन के पालन कs सकत बा लो:
- बीपीएससी सीसीई प्रीलिम्स एडमिट कार्ड कइसे डाउनलोड करीं?
- bpsc.bih.nic.in पs जाईं।
- 70वीं सीसीई प्रारंभिक परीक्षा खातिर एडमिट कार्ड लिंक खोलीं।
- आपन क्रेडेंशियल दर्ज करीं आ लॉग इन करीं।
- एडमिट कार्ड के जांच करीं आ डाउनलोड कs लीं।