ग्लोबल स्टार आलिया भट्ट शनिचर 15 मार्च के आपन 32वां जन्मदिन मनावत बाड़ी. फिल्मी पृष्ठभूमि से रहला के बावजूद आलिया अपना स्टाइल आ अभिनय के आधार पर फिल्म इंडस्ट्री में एगो अलगे पहचान बनवले बाड़ी. बॉलीवुड अभिनेत्री आलिया 19 साल के उमिर से आपन करियर शुरू कइली. उनकर पहिला फिलिम रहल ‘स्टूडेंट ऑफ द ईयर’ जवना में ऊ वरुण धवन आ सिद्धार्थ मल्होत्रा का साथे काम कइली. बॉक्स ऑफिस पर ई फिलिम सुपरहिट साबित भइल आ एह फिलिम से तीनों के किस्मत रौशन हो गइल बा. अपना पहिलका फिलिम के सफलता के बाद आलिया भट्ट के बहुते बड़हन बजट के फिलिमन के ऑफर मिले लागल आ आजु ऊ अपना बेहतरीन काम खातिर पूरा दुनिया में मशहूर बाड़ी.
आलिया भट्ट के ई पुरस्कार मिलल बा
आलिया भट्ट हॉलीवुड में आपन शुरुआत डेब्यू गैल गैडोट, जेमी डोर्नन के फिलिम ‘हार्ट ऑफ स्टोन’ से कइली जबकि दक्षिण में आलिया एस.एस. राजामौली द्वारा निर्देशित तेलुगु पीरियड के फिल्म ‘आरआरआर’ (2022) से धूम मचवले. अभिनेत्री हर किरदार के अतना बढ़िया से निभावत बाड़ी कि लोग उनुका के तारीफ करे से ना रोक पावेले एतने ना, अपना प्रतिभा के आधार पs उs कई बेर भारत के शान ले आईल बाड़ी। अबले आलिया भट्ट के 60 से अधिका पुरस्कार मिलल बा. सबसे खास बात ई रहे कि आलिया के सऊदी अरब में ऑनरेरी एंटरटेनमेंट मेकर्स अवॉर्ड से भी सम्मानित कइल गइल बा।
हर भूमिका से दर्शकन के दिल में जगह बनवली
आलिया भट्ट बहुते बढ़िया किरदारन के साथे बड़का परदा पs हलचल मचवले बाड़ी जवना के लिस्ट काफी लमहर बा. एहमें ‘राजी’, ‘गंगुबाई कठियावाड़ी’ आ ‘डियर जिंदगी’ जइसन फिलिमन शामिल बाड़ी सँ. आलिया ‘गंगुबाई कठियावाड़ी’ में गंगुबाई के किरदार निभवले रहली. एह भूमिका के एह अभिनेत्री के सबसे दमदार किरदार मानल जाला. ‘राजी’ में कश्मीरी लइकी के किरदार में सबके दिल जीत लिहली. एहमें से एगो बा ‘डियर जिंदगी’ जवना में आलिया कैरियर-रिलेशनशिप से परेशान लइकी के भूमिका निभवले बाड़ी. ‘हाईवे’ अभिनेत्री के कैरियर खातिर हुकुम का इक्का साबित भइल.
इहो पढ़ीं: सबेरे-सबेरे: रोज करीं इs 4 गो योगासन, आंख के puffiness होई दूर
