उत्तर प्रदेश के राज्यपाल आनंदीबेन पटेल अवुरी मुख्यमंत्री योगी आदित्यनाथ के सुरक्षा खातीर तैनात 102 पुलिस जवान के हटा दिहल जाई। एकरा पीछे के कारण उनुकर शारीरिक हालत अवुरी फायरिंग स्किल बतावल जाता। एह लोग के जगहा पीएसी, एसडीआरएफ आ विशेष सुरक्षा बल में सिपाही आ हेड कांस्टेबल बनावल जाई. दोसरा शाखा के पुलिसकर्मी के सुरक्षा शाखा में लेवे के प्रक्रिया तेज हो गईल बा.
राजभवन अवुरी मुख्यमंत्री के सुरक्षा खातीर तैनात अधिकांश पुलिसकर्मी फायरिंग टेस्ट में फेल हो गईल रहले। संगही 23 अप्रैल के पीलीभीत में सीएम योगी आदित्यनाथ के जनसभा में एगो कमांडो बेहोश हो गईल रहे। बेहोश कमांडो के हड़बड़ी में हटा दिहल गईल अवुरी उनुका जगह पs एगो अवुरी जवान के तैनात कs दिहल गईल। एकरा बाद ही मुख्यमंत्री एगो बड़ फैसला लेके आदेश देले कि वीआईपी सुरक्षा खातीर 40 साल से ऊपर के पुलिसकर्मी के तैनात ना कईल जाई।
