गूगल के वीडियो स्ट्रीमिंग प्लेटफार्म यूट्यूब एगो अइसन फीचर के परीक्षण कर रहल बा जवना के यूजर बहुत दिन से इंतजार करत रहले। कबो-कबो अइसन होला कि हमनी के खाली कवनो गीत के धुन याद आवेला। लाख कोशिश के बाद भी गीत के बोल याद नईखे आवत। यूट्यूब अब एह समस्या के ठीक कर दिहले बा। यूट्यूब अब अइसने फीचर पs काम कर रहल बा, ओकरा बाद यूट्यूब पs गाना के सर्च खाली गाना के धुन से कइल जा सकेला।
रिपोर्ट के मुताबिक फिलहाल ए नाया फीचर के टेस्टिंग एंड्रॉयड ऐप पs होखता अवुरी एकरा के सबसे पहिले सिर्फ एंड्रॉयड खातीर जारी कईल जाई। गूगल एह नया फीचर के बारे में कहले बा कि अब अगर रउरा यूट्यूब पs कवनो गाना के धुन बस गुनगुनात बानी त यूट्यूब ऐप ओह गाना के खोज करी। एकर जानकारी यूट्यूब के टेस्ट फीचर एंड एक्सपेरिमेंट पेज पs दिहल गइल बा।
गूगल के इ फीचर सिर्फ आवाज़ के खोज के लाइन पs काम करी। कवनो गाना के धुन से खोजे खातिर फोन के आवाज खोज के गाना खोज फीचर में बदले के पड़ेला। एह फीचर के माध्यम से गाना के खोज करे खातिर कम से कम तीन सेकंड तक धुन के गुनगुनावे के पड़ी।
रउरा के बता दीं कि यूट्यूब स्मार्ट ऑर्गेनाइजेशन फीचर पs भी काम क रहल बा, एकरा बाद यूट्यूब पs भी आर्टिफिशियल इंटेलिजेंस (एआई) के सपोर्ट कईल जाई। इ नाया फीचर एआई के मदद से वीडियो खातीर समरीज ऑटो जनरेट करी।
