12 लाख रुपिया ठगी के आरोप में जुवक गिरफ्तार : 13 हजार नगद के संगे 3 ATM कार्ड बरामद, पुलिस भेजलस जेल

गोपालगंज के नगर थाना क्षेत्र के चंद्रगोखुल रोड इस्थित पंजाब नेशनल बैंक शाखा से एगो संदिग्ध जुवक के पुलिस गिरफ्तार कइले बिया। जेकरा लगे से पुलिस 13 हजार रुपिया नगद आ एटीएम कार्ड के अलावे पास बुक आ पैनकार्ड बरामद कइल गइल बा। गिरफ्तार जुवक से पूछताछ के बाद कइयन अहम जानकारी पुलिस प्राप्त कइले बिया।

फिलहाल गिरफ्तार अभियुक्त से पुलिस पूछताछ के बाद न्यायिक हिरासत में भेज देले बिया। गिरफ्तार अभियुक्त के पहचान मांझागढ़ थाना क्षेत्र के भोजपुरवा गांव निवासी मुस्तफा मियां के बेटा नौशाद अली के रूप में कइल गइल।

13 हजार रुपिया के संगे एटीएम कार्ड बरामद

एसपी स्वर्ण प्रभात बतवलें कि नगर थाना क्षेत्र के चंद्रगोखुल रोड इस्थित पंजाब नेशनल बैंक के शाखा के लगे एगो संदिग्ध जुवक के होखे के सूचना मिलल। प्राप्त सूचना के आधार पs साइबर थाना के पुलिस उपाधीक्षक सह थानाध्यक्ष के नेतृत्व में संदिग्ध जुवक के सत्यापन कइल गइल। जवना के क्रम में संदिग्ध जुवक भोजपुरवा गांव निवासी नौशाद अली के रूप मे पहचान कइल गइल।

जवना के लगे से दुगो एंड्राइड मोबाइल, नौशाद अली नाम के आधार कार्ड, पैन कार्ड, तीन एटीएम कार्ड, पासबुक  13,000 रूपिया नगद बरामद कइल गइल। ओहिजा, ओकरा खाता के विश्लेषण आ आउर स्रोतन से एह बात के पुष्टी भइल कि ऊ साइबर अपराध में संलिप्त बा। जवना के बाद ओकरा गिरफ्तार कइल गइल।

जवना के संबंध में साइबर थाना कांड दर्ज कइल गइल। एसपी स्वर्ण प्रभात बतवलें कि पूछताछ के क्रम में गिरफ्तार अभियुक्त कावर से हाले में अपना साथियन के सहजोग से बुलंदशहरद (उ०प्र०) के एगो व्यक्ति से करीब 12 लाख रुपिया ठगी करे के बात स्वीकार कइल गइल बा।

साभार : दैनिक भास्कर

7821500cookie-check12 लाख रुपिया ठगी के आरोप में जुवक गिरफ्तार : 13 हजार नगद के संगे 3 ATM कार्ड बरामद, पुलिस भेजलस जेलno