अधिकांश लोग पेट के चर्बी, बांह के जादा चर्बी आदि के कम करे खातीर व्यायाम, योग आदि के सहारा लेवेले, लेकिन शरीर के एगो अवुरी हिस्सा होखेला, जहां चर्बी कम कईल अपेक्षाकृत मुश्किल होखेला। हम इहाँ बैक फैट के बात करतानी। आप आसानी से हाथ के गोड़, डबल ठोड़ी चाहे पेट के चर्बी कम क सकतानी, लेकिन पीठ के चर्बी में आपके जादा समय लागेला, जवना के चलते आपके पीठ के चर्बी कम कईल जादे मुश्किल हो जाला। अगर आपके पीठ पs भी चर्बी बा अवुरी आप एकरा के कम कईल चाहतानी त योग के मदद से आप पीठ पs चर्बी के हटा सकतानी। कुछ आसान योग मुद्रा के संगे आप शरीर के आकार में ले आ सकतानी। एह योगासन खातिर नियमित रूप से मात्र पांच मिनट देवे के होई। अगिला स्लाइड में देखीं पीठ के चर्बी कम करे खातिर आसान योग मुद्रा।
धनुरासन
एह आसन के करे खातिर पेट पs लेट जाइ। घुटना मोड़ के, हथेली से टखने के पकड़ी। एकरा बाद दुनो गोड़ अवुरी हाथ के यथासंभव ऊँच उठाईं। ऊपर देखत, कुछ समय ले एही स्थिति में रहीं। बाद में वापस पुरान स्थिति में आ जाइए।
पादहस्तासन
पदहस्तासन करे खातिर सीधा गोड़ पs खड़ा होके हाथ के शरीर के साथ रखे के चाहीं। साँस ले के हाथ माथा के ऊपर लेके ऊपर के ओर खींच लीं। अब रीढ़ के हड्डी सीधा राखत साँस छोड़ीं, घुटना आ हाथ के सीधा राखत आगे झुकीं। हाथ फर्श पd रखीं भा टखने के पकड़ीं।
मर्कट आसन
एह आसन के करे खातिर पीठ पs लेट के दुनो हाथ कमर से नीचे राखे के चाही। दुनो गोड़ के जोड़ के घुटना से मोड़ लीं। अब कमर से निचला हिस्सा के मोड़ के एक बेर गोड़ के दाहिना ओर के बगल में जमीन पs राखी। ए हालत में सिर के उल्टा दिशा में राखे के चाही। एह आसन के 10 से 20 सेकंड से शुरू क के समय बढ़ावे के पड़ेला।
राजकपोतासन
जमीन पर बइठ जाइ। घुटना, कूल्हा अवुरी दुनो हाथ कंधा के रेखा से तनिका आगे होखे के चाही। एकरा बाद आपन वजन दाहिना ओर डाल के बायां गोड़ के उठा के पीछे के ओर ले जाईं, संगही बायां गोड़ के पीछे से सीधा करीं। अब बायां घुटना के मोड़ के दुनो गोड़ पs आपन वजन के संतुलन बनाईं। एकरा बाद रउआ बायां घुटना आ दाहिना पंजा पs आ जाइ। एकरा बाद एगो लंबा सांस लेके सीधा बांह के ऊपर ले जाईं, कोहनी के मोड़ के साँस छोड़त घरी बायां गोड़ के पकड़ीं। ओकरा बाद बायां हाथ से गोड़ के ओही तरह से पकड़ के छाती के उठा के गर्दन के पीछे मोड़ के कोशिश करीं। एह मुद्रा में सामान्य रूप से साँस लेवे के, 15-20 सेकंड तक रुके के चाहीं आ ओकरा बाद साँस छोड़त घरी सामान्य होखे के चाहीं।
नोट : योगगुरु के सुझाव के आधार पs ई लेख तइयार कइल गइल बा। मुद्रा के सही स्थिति के बारे में जाने खातिर आप कवनो विशेषज्ञ से संपर्क क सकतानी।
