राज्य में मानसून एक्सप्रेस लगातार आगे बढ़ रहल बा। बियफ़ें के राज्य के बहुत इलाका में बरखा के संगे सुखद मौसम के चलते लोग के गरमी से राहत मिलल बा। दिन रात के तापमान में गिरावट आईल। मौसम विभाग के मुताबिक अगिला चार-पांच दिन में मानसून के पूरा राज्य के कवर करे के संभावना बा।
मौसम विभाग के मुताबिक बियफ़ें के सबेरे 8.30 बजे ले आगरा, अलीगढ़, मथुरा-वृंदावन, मुरादाबाद में 70 मिमी से जादा पानी के बरखा भईल। अयोध्या, बहराइच, बलिया, बुलंदशहर, फतेहपुर, फुरसतगंज, हमीरपुर में 50 से 60 मिमी के बीच बारिश दर्ज की गई। गाजीपुर में 100 मिमी बारिश दर्ज की गई। आगरा, अलीगढ़, शाहजहांपुर में भी अच्छा बारिश दर्ज की गई।
इहाँ भारी बरखा के अलर्ट
मौसम विभाग के ओर से देवरिया, गोरखपुर, संत कबीरनगर, बस्ती, कुशीनगर, महाराजगंज, सिद्धार्थनगर, गोंडा, बलरामपुर, श्रावस्ती, बहराइच, लखीमपुरखीरी, सीतापुर, बाराबंकी, रामपुर, बरेली, पीलीभीत, शाहजहांपुर आ आसपास के इलाकन में भारी बारिश के अनुमान बा।
बिजली गिरला से 20 लोग के मउत हो गईल
बरखा के संगे बियफ़ें के बहुत जगह पs बिजली भी गिरल। एकरा चलते राज्य के अलग-अलग जगह पs 20 लोग के मउत हो गईल। वाराणसी आ आसपास के जिलन में 10 लोग के उत हो गइल. बिजली गिरला से हमीरपुर में तीन आ महोबा, बरेली में दू-दू जने के मउत हो गइल. बंदायूं, महाराजगंज आ झाँसी में एक-एक आदमी आपन जान गँवा चुकल बा।
अगिला पांच दिन में एह राज्यन में भारी बरखा के अनेसा बा
मौसम विभाग के मुताबिक अगिला 5 दिन के दौरान हिमाचल प्रदेश, उत्तराखंड, पूर्वी राजस्थान, उत्तर प्रदेश, पंजाब, हरियाणा दिल्ली (29 अवुरी 30 जून के), पश्चिमी राजस्थान, पूर्वी मध्य प्रदेश, पश्चिम बंगाल, छत्तीसगढ़, ओडिशा, विदर्भ , बिहार आ झारखंड में भारी बरखा (28 जून से 1 जुलाई के बीच) होखे के संभावना बा।
आजु बिहार, झारखंड आ पश्चिम बंगाल में मानसून आ सकेला
मौसम विभाग के मुताबिक 27 जून ले मानसून के चलते पूरा बिहार, पूरा झारखंड, पूरा पश्चिम बंगाल के कवर होखे के उम्मेद रहे, बाकिर अब एक-दु दिन के देरी हो सकता।
