पटना एयरपोर्ट पs सुक के बांग्लादेश के विमान के इमरजेंसी लैंडिंग करावल गइल। ई फ्लाइट बांग्लादेश के ढाका से नेपाल के काठमांडू जा रहल बा। फ्लाइट में करीब 77 यात्री रहलें। तकनीकी खराबी होखे के वजह से एकरा के पटना एयरपोर्ट पs उतारल गइल। एयरपोर्ट के अधिकारी जांच में जुटल बा कि विमान में का खराबी आइल बा।
पटना एयरपोर्ट पs दुपहर 12 बजे ई इमरजेंसी लैंडिंग करावल गइल। एयरपोर्ट अथॉरिटी के मोताबिक विमान में तकनीकी खराबी आइल रहे। विमान में सवार सब 77 यात्रियन के सुरक्षित निकाल लिहल गइल बा। एह लोगन के अब एयर इंडिया के फ्लाइट से भेजे के तइयारी कइल जा रहल बा।
DGCA बतवलस कि ढाका से काठमांडू जाये वाली विमान बांग्लादेश के फ्लाइट 371 के तकनीकी खराबी के चलते बिहार के पटना डायवर्ट कs दिहल गइल। फ्लाइट में सवार सब 77 यात्री सुरक्षित बा लो।
