पश्चिमी गड़बड़ी के सक्रियता के चलते जिला के मौसम में बदलाव आईल बा। शनिचर के दिने आसमान में बादल छाइल रहे। ठंडा हवा चलल। देर साँझ जिला के कई हिस्सा में गरज आ बिजली गिरल। मौसम विशेषज्ञ के मुताबिक आज अतवार के भी पुरा दिन बूंदाबांदी हो सकता। सवेरे आ सांझ के तापमान में गिरावट आई।
शनिचर के सबेरे से मौसम सुहावना रहल। दिन भर सूरज आ बादल के बीच झगड़ा चलत रहे। अधिकतम तापमान 28.5 डिग्री सेल्सियस रहे। सुक के तापमान 29.3 डिग्री रहे। दुपहरिया में मौसम में तेजी से बदलाव भइल। आसमान में बादल के रंग भी बदल गईल। गहिराह करिया बादल जमा हो गइल। सांझ साढ़े पांच बजे के बाद बूंदाबांदी शुरू हो गइल। रात भर बरखा भइल आ अतवार के दिने मौसम बहुते सुखद बा।
बिजली गिरले से तीन के मउत
पश्चिमी यूपी समेत राज्य के कई गो अउरी हिस्सा में सुक के देर रात धूल से भरल तूफान से शुरू भइल बरखा आ ओला शनिचर के दिने भी जारी रहल। एटा, मैनपुरी अवुरी शाहजहांपुर में बिजली के चलते तीन जने के मउत हो गईल। फसल के भी नुकसान पहुंचल बा। तेज हवा के संगे कुछ जगह बूंदाबांदी अवुरी कुछ जगह रिमझिम फुहार भईल। किसान ओला के संभावना से चिंतित बाड़े।
पिछला 24 घंटा में मेरठ में 4.7 मिमी बरखा भइल बा। कानपुर में 50 से 60 किलोमीटर प्रति घंटा के रफ्तार से बहत हवा के चलते खेत में खड़ी फसल नष्ट हो गईल। एटा के अलीगंज में एगो महिला अवुरी मैनपुरी के कुरावाली में बिजली के चलते एगो किशोर के मउत हो गईल। शाहजहांपुर में आपन खेत के रखवाली करत किसान के मउत हो गईल।
