Khabar Bhojpuri
भोजपुरी के एक मात्र न्यूज़ पोर्टल।

मुंबई में रेलवे स्टेशन पs 1.2 लाख के नल-टोंटी चोरी, आरोपी के पकड़े खातीर बनावल गईल दु टीम

107

मुंबई के छत्रपति शिवाजी महाराज टर्मिनस रेलवे स्टेशन से 1.2 लाख रुपिया के नल चोरी के मामिला सोझा आईल बा। रेलवे के ओर से यात्री खातीर बनावल नया एसी शौचालय से नल चोरी हो गईल बा। रेलवे जीआरपी प्राथमिकी दर्ज कs मामिला के छानबीन शुरू कs देले बिया। पुलिस के मुताबिक इs घटना 6 फरवरी के रात के भईल। आरोपी के गिरफ्तारी खातीर पुलिस दुs टीम बनवले बिया।

ईs सब सामान शौचालय से चोरी हो गइल रहे

सूत्र के मुताबिक चोरी भईल फिटिंग में जेट स्प्रे, नल, टॉयलेट सीट के कवर, बोतल ट्रैप अवुरी स्टॉपकॉक वाल्व शामिल बा। रेलवे पुलिस में आधिकारिक शिकायत दर्ज करवले बा आ सार्वजनिक सुविधा के निगरानी आ निगरानी के मुद्दा भी उठवले बा। मुंबई डिवीजन के सेंट्रल रेलवे भी एक्स हैंडल पs एगो वीडियो शेयर कईले बिया।

कवनो रेलवे कर्मचारी पs शक

अबे ले चोर के पहचान नईखे भईल अवुरी आशंका बा कि कवनो रेलवे कर्मचारी चाहे ठेका मजदूर के ओर से चोरी भईल हो सकता। बतावल जाता कि शनिचर के रनिंग रूम के शौचालय में चोरी भईल। रनिंग रूम ऊ जगह हs जहाँ ट्रेन के ड्राइवर आ गार्ड आराम करे आ ब्रेक लेबे आवेलें। आठ गो बिब कॉक, नौ स्टॉप कॉक आ जेट स्प्रे चोरी हो गइल। एगो अधिकारी बतवले कि सोमार के महिला शौचालय से तीन पिलर कॉक (pillar cocks) अवुरी पुरुष के शौचालय से तीन पिलर कॉक अवुरी नाया एसी शौचालय के नल भी चोरी भईल बा।

 

 

 

730550cookie-checkमुंबई में रेलवे स्टेशन पs 1.2 लाख के नल-टोंटी चोरी, आरोपी के पकड़े खातीर बनावल गईल दु टीम

ईमेल से खबर पावे खातिर सब्सक्राइब करीं।

Get real time updates directly on you device, subscribe now.

Comments are closed.