Special Train: गोरखपुर खातीर ट्रेन में सीट नइखे मिलत? त इ स्पेशल ट्रेन में कराई रिजर्वेशन
Holiday Special : इ स्पेशल ट्रेन दुनु दिशा में खलीलाबाद, बस्ती, गोंडा, ऐशबाग, कानपुर सेंट्रल, उरई, वीरांगना लक्ष्मीबाई झांसी, भोपाल, इटारसी, नागपुर, बल्लारशाह, सिरपुर कागजनगर, बेलमपल्ली, रामागुंडम आ काजीपेट स्टेशनन पे रुकी।
गरमी के छुट्टी अवुरी बियाह के मौसम के चलते ट्रेन में यात्री के भारी भीड़ बा। यात्रियन के समस्या दूर करे खातिर रेल प्रशासन सीमित ए समय खातिर विशेष ट्रेन चलावत बा ताकि अधिका से अधिका लोग के सीट मिल सके। एह क्रम में गोरखपुर-सिकंदराबाद-गोरखपुर के बीच हर हफ्ता सात गो यात्रा एक्सप्रेस स्पेशल ट्रेन चलावे के एलान कइल गइल बा। ई ट्रेन 13 मई से 26 जून 2023 के अवधि खातिर चले वाली बा।
पीआरओ डीआरएम भोपाल के सूबेदार सिंह से मिलल जानकारी के मुताबिक बतावल गईल बा कि स्पेशल ट्रेन नंबर 05303 गोरखपुर-सिकंदराबाद साप्ताहिक एक्सप्रेस स्पेशल ट्रेन 13 मई 2023 से 24 जून 2023 तक हर शनिवार के सबेरे 8.30 बजे गोरखपुर स्टेशन से, 18.45 बजे निकली pm वीरांगना लक्ष्मीबाई झांसी पहुंची । एकरा बाद रात 23.10 बजे भोपाल स्टेशन पहुंच जाई। अगिला दिने अतवार के 00.45 बजे इटारसी स्टेशन पे पहुँच जाई। एकरा बाद नागपुर शाम 6.40 बजे आ फेर सिकंदराबाद स्टेशन शाम 16.35 बजे।
एही तरे स्पेशल ट्रेन नंबर 05304 सिकंदराबाद-गोरखपुर साप्ताहिक एक्सप्रेस स्पेशल ट्रेन 15 मई 2023 से 26 जून 2023 तक हर सोमवार के 21.00 बजे सिकंदराबाद स्टेशन से निकल के अगिला दिन सबेरे 6.30 बजे नागपुर पहुंची। इटारसी दुपहरिया 12 बजे आ फेर भोपाल स्टेशन 13.45 बजे. रात 21.10 बजे वीरांगना लक्ष्मीबाई झांसी स्टेशन पहुंचला के बाद इ ट्रेन तीसरा दिन सबेरे 9.00 बजे गोरखपुर स्टेशन पहुंची।
स्पेशल ट्रेन में कोच
एह विशेष ट्रेन में कुल 20 गो कोच होखी जवना में 18 गो वातानुकूलित थर्ड क्लास ,1 गो जनरेटर कार आ 1 गो एसएलआरडी शामिल बा।
Comments are closed.