सोनिया गांधी, अखिलेश यादव आ ममता बनर्जी के व्यापारियन के चिट्ठी, राहुल गांधी के महारैली टारे के कइलें अनुरोध

नई दिल्ली। चैंबर ऑफ ट्रेड एंड इंडस्ट्री (सीटीआई) शुक्रवार के कांग्रेस के वरिष्ठ नेता सोनिया गांधी के चिट्ठी लिख के एक नवंबर के रामलीला मैदान में होखे वाला पार्टी के विशाल रैली के टारे के अनुरोध कइले बा। व्यापारी संगठन चेतवले बा कि एह रैली के चलते राष्ट्रीय राजधानी के 20 प्रमुख बाजारन में 10 हजार करोड़ से 12 हजार करोड़ रुपिया तक के कारोबार प्रभावित हो सकेला।

अखिलेश यादव आ ममता बनर्जी के भी लिखल गइल चिट्ठी

ओहिजा, फेडरेशन ऑफ सदर बाजार ट्रेडर्स एसोसिएशन आ खारी बावली के किराना कमेटी दिल्ली, आइएनडीआइए गठबंधन के वरिष्ठ नेता अखिलेश यादव आ ममता बनर्जी के भी चिट्ठी लिखले बा। व्यापारी संगठन रामलीला मैदान में प्रस्तावित रैली के दीपावली के बाद तक टारे के मांग कइले बा। (फेस्टा)

12,000 करोड़ के कारोबार पर असर पड़े के आशंका

सीटीआई के मुताबिक, लोकसभा में विपक्ष के नेता राहुल गांधी के प्रस्तावित ई रैली अइसन समय हो रहल बा, जब बाजारन में दिवाली के खरीदारी चरम पर बा। संगठन के कहनाम बा कि धनतेरस (6 नवंबर) आ दिवाली (8 नवंबर) के नजदीक होखे के चलते 1 नवंबर के दिन त्योहार के सामान के ढुलाई आ ग्राहकन के आवाजाही खातिर सबसे व्यस्त दिनन में से एगो रही।

निजी तौर पर हस्तक्षेप करे के कइल गइल आग्रह

ओहिजा, फेस्टा अपना चिट्ठी में आग्रह करत कहलस कि हमनी दिल्ली के लाखों व्यापारी, दुकानदार आ छोट कारोबारियन के ओर से रउआ से निजी तौर पर हस्तक्षेप करे के आग्रह करत बानी। रउआ गठबंधन के अनुभवी नेता बानी। कृपया, राहुल गांधी के समझाईं कि व्यापारी लोग के सबसे बड़ कारोबार के सीजन के कीमत पर राजनीतिक कार्यक्रम ना होखे के चाहीं।

READ MORE: एम्स गोरखपुर के कार्यकारी निदेशक डॉ. विभा दत्ता के बिगड़ल तबीयत, निजी अस्पताल में करावे पड़ल इलाज

https://khabarbhojpuri.com/aiims-gorakhpur-executive-director-dr-vibha-dutta-health/