Khabar Bhojpuri
भोजपुरी के एक मात्र न्यूज़ पोर्टल।

सामाजिक विकास में संप्रेषण के भूमिका पs हिन्दी एवं आधुनिक भारतीय भाषा तथा पत्रकारिता विभाग द्वारा आयोजित भइल व्याख्यान

0 6,052
सीवान इन्शुरेंस 720 90

गोरखपुर: दीनदयाल उपाध्याय गोरखपुर विश्वविद्यालय के हिन्दी एवं आधुनिक भारतीय भाषा तथा पत्रकारिता विभाग द्वारा ‘मीडिया संवाद’ श्रृंखला के अंतर्गत ‘सामाजिक विकास में संप्रेषण के भूमिका’ विषय पs एगो व्याख्यान के आयोजन कइल गइल।

IMG 20230102 210703, सामाजिक विकास में संप्रेषण के भूमिका पs हिन्दी एवं आधुनिक भारतीय भाषा तथा पत्रकारिता विभाग द्वारा आयोजित भइल व्याख्यान, Banaras Hindu University, Bhojpuri News, Ddu, Deen dayal upadhyay gorakhpur university, Dr. Rajnessh Kumar Chaturvedi, Dr. Ram Naresh Ram, Hindi aur Aadhunik Bhasha Tatha Patrkarita Vibhag, Kashi Hindu Vishvavidyalaya, Patrakarita Parishad, Pro. Anil Kumar Rai, Pro. Rajesh Mall, Rajesh Singh(Pro) Bhu, Seminar Organized,
मुख्य अतिथि डॉ. राजेश सिंह, जनसंपर्क अधिकारी, बीएचयू व्याख्यान देत

 

एह व्याख्यान में मुख्य अतिथि के रूप में उपस्थित काशी हिंदू विश्विद्यालय, वाराणसी के जनसंपर्क अधिकारी डॉ. राजेश सिंह विभाग में पत्रकारिता परिषद् के गठन के सराहना कइनीं। उहां के अपना विस्तृत व्याख्यान में पत्रकारिता से जुड़ल अनुभवन के साझा करत कहनीं कि इहे पत्रकारिता उहां के एशिया के सबसे बड़ आवासीय विश्वविद्याल के जनसंपर्क अधिकारी बनवले बा। उहां के सोशल मीडिया के विनियमन के जरूरत पs बल देनीं। विभाग के वरिष्ठतम आचार्य प्रो. अनिल राय अपना संबोधन में पत्रकारिता परिषद् से भविष्य में एही तरह के अकादमिक आयोजनन के उम्मीद जतवनीं।

कार्यक्रम के अध्यक्षता करत हिंदी विभाग के अध्यक्ष प्रो. दीपक प्रकाश त्यागी कहनीं कि मीडिया के क्षेत्र बहुते चुनौतियन से भरल बा। प्रो. त्यागी पत्रकारिता पाठ्यक्रम के भविष्य के योजना पs संक्षेप में प्रकाश डलनीं।

एकरा पहिले मुख्य अतिथि के स्वागत प्रो. त्यागी उत्तरीय प्रदान कs के आ परिषद् के अध्यक्ष आराधना पाठक पुष्प गुच्छ दे के कइल लोग। एह अवसर पs नवगठित पत्रकारिता परिषद् के पदाधिकारियन के विभाग के छात्र-छात्रा लोगन द्वारा माल्यार्पण कs के अभिनन्दन कइल गइल। धेयान देवे वाला बात बा कि विभाग में पत्रकारिता परिषद् के गठन पहिला बेर गठन कइल गइल बा आ भविष्य परिषद् के माध्यम से अकादमिक कार्यक्रम कइल जाये के योजना बा।

IMG 20230102 WA0074, सामाजिक विकास में संप्रेषण के भूमिका पs हिन्दी एवं आधुनिक भारतीय भाषा तथा पत्रकारिता विभाग द्वारा आयोजित भइल व्याख्यान, Banaras Hindu University, Bhojpuri News, Ddu, Deen dayal upadhyay gorakhpur university, Dr. Rajnessh Kumar Chaturvedi, Dr. Ram Naresh Ram, Hindi aur Aadhunik Bhasha Tatha Patrkarita Vibhag, Kashi Hindu Vishvavidyalaya, Patrakarita Parishad, Pro. Anil Kumar Rai, Pro. Rajesh Mall, Rajesh Singh(Pro) Bhu, Seminar Organized,
नवगठित पत्रकारिता परिषद कार्यकारिणी के साथे प्रो दीपक त्यागी, डॉ. राजेश सिंह, प्रो राजेश मल्ल, प्रो अनिल राय, डॉ. रजनीश चतुर्वेदी आ आउर लोग।

 

पत्रकारिता पाठ्क्रम के समन्वयक प्रो. राजेश कुमार मल्ल स्वागत भाषण आ विषय प्रवर्तन कइनीं जबकि कार्यक्रम के संचालन सहायक समन्वयक डॉ. राम नरेश राम आ आभार ज्ञापन अतिथि शिक्षक डॉ. रजनीश कुमार चतुर्वेदी द्वारा कइल गइल।

एह अवसर पs विभाग के प्रो. प्रत्यूष दूबे, डॉ. नरेन्द्र कुमार, डॉ. अखिल मिश्र, डॉ. अभिषेक शुक्ल, डॉ. संदीप कुमार यादव सहित विभाग के सब छात्र-छात्रा आ हिंदी के शोध छात्र उपस्थित रहल लोग।

428820cookie-checkसामाजिक विकास में संप्रेषण के भूमिका पs हिन्दी एवं आधुनिक भारतीय भाषा तथा पत्रकारिता विभाग द्वारा आयोजित भइल व्याख्यान

ईमेल से खबर पावे खातिर सब्सक्राइब करीं।

Get real time updates directly on you device, subscribe now.

Leave A Reply

Your email address will not be published.