प्रधानमंत्री नरेंद्र मोदी के नेतृत्व में केंद्र सरकार बिहार खातीर एगो बड़ उपहार के घोषणा कईले बिया। एह उपहार के तहत एगो नया अमृत भारत एक्सप्रेस आ नमो भारत रैपिड ट्रेन बिहार के सौंपल जाई. अमृत भारत एक्सप्रेस के इs नाया ट्रेन बिहार के सहरसा अवुरी मुंबई के लोकमान्य तिलक टर्मिनस के बीच चली। प्रधानमंत्री नरेंद्र मोदी एह नया ट्रेन के झंडा देखावे के काम करीहें. बता दीं कि ई देश के तीसरा अमृत भारत एक्सप्रेस ट्रेन होई आ बिहार के दूसरका ट्रेन होई। बता दीं कि देश के पहिला अमृत भारत एक्सप्रेस बिहार के दरभंगा अवुरी दिल्ली के आनंद विहार टर्मिनल के बीच चलावल जात रहे। जवना के बाद पश्चिम बंगाल के मालदा टाउन अवुरी कर्नाटक के एम. विश्वेश्वरैया टर्मिनल बेंगलुरु के बीच दूसरा अमृत भारत एक्सप्रेस ट्रेन चलावल गईल।
अमृत भारत एक्सप्रेस ट्रेन 130 किलोमीटर प्रति घंटा के रफ्तार से चली
अमृत भारत एक्सप्रेस ट्रेन 130 किलोमीटर प्रति घंटा के टॉप स्पीड से चले में सक्षम बा। मेड इन इंडिया अभियान के तहत चेन्नई के इंटीग्रेटेड कोच फैक्ट्री (आईसीएफ) में इ आधुनिक ट्रेन बनावल गईल बा। एह ट्रेन में पुश एंड पुल टेक्नोलॉजी बा जवना से गाड़ी दुनो दिशा में चलेले। बता दीं कि अमृत भारत एक्सप्रेस ट्रेन पूरा तरह से गैर एसी ट्रेन हs, जवना में सिर्फ स्लीपर अवुरी अनरिजर्व क्लास कोच बा। हर कोच में यात्री आ ट्रेन प्रबंधक के बीच सीधा संवाद खातिर आपातकालीन टॉकबैक सिस्टम बा। एकरा अलावे सभ कोच में फायर डिटेक्शन सिस्टम लगावल गईल बा। बता दीं कि अमृत भारत देश के पहिला गैर एसी ट्रेन हs, जवना में फायर डिटेक्शन सिस्टम के सुविधा दिहल गईल बा।
बिहार के मिली 16 कोच नमो भारत रैपिड ट्रेन
अमृत भारत के अलावे बिहार के एगो नाया नमो भारत रैपिड ट्रेन भी भेंट कईल जाई। इs देश के दूसरा नमो भारत ट्रेन होई। देश के पहिला नमो भारत ट्रेन अहमदाबाद अवुरी गुजरात के भूज के बीच चलावल गईल, जवना में 12 एसी कोच रहे। देश के दुसरका नमो भारत रैपिड ट्रेन बिहार के जयनगर अवुरी पटना के बीच चली, जवना में 16 एसी कोच होई। नामो भारत में 16 गो कोच के साथ 2000 से अधिका यात्री यात्रा कs सकेलें। बता दीं कि एह छोट दूरी के ट्रेन में खाली बइठे के व्यवस्था बा, एहमें सुते खातिर सीट नइखे.
इहो पढ़ीं: सबेरे-सबेरे: गरमी के मौसम में शरीर में पानी के कमी से हो सकेला इs गंभीर बेमारी
