फेर दहल उठल पाकिस्तान, खैबर पख्तूनख्वा में भइल सुसाइड ब्लास्ट, पुलिसकर्मियन के मउत

आतंकवाद के पनाह देबे वाला देश पाकिस्तान एह घरी बहुते खराब समय से गुजरत बा. भारत के कार्रवाई के बाद पाकिस्तान अबे तनी ठीक हो गईल रहे कि देश में एगो अवुरी बम विस्फोट से ओकरा के परेशानी में डाल दिहल गईल बा। दरअसल पाकिस्तान के खैबर पख्तूनख्वा क्षेत्र में आत्मघाती विस्फोट हो चुकल बा। एह आत्मघाती हमला में दू गो पुलिसकर्मी के मउत हो गइल बा आ बहुते लोग घवाहिल हो गइल बा. एह घटना के बारे में सब कुछ बताईं।

पुलिस के मोबाइल वैन पs हमला

ई आत्मघाती हमला अतवार के रात पाकिस्तान के खैबर पख्तूनख्वा में भइल. स्थानीय अधिकारी आत्मघाती विस्फोट में कम से कम दु पुलिसकर्मी के मउत होखे के सूचना देले बाड़े। एकरा साथे ही 3 लोग अउरी घायल हो चुकल बाड़े। पेशावर के चमकनी थाना के तहत पशु बाजार के नजदीक खड़ा पुलिस मोबाइल वैन पs हमलावर हमला कs देलस।

सीएम हमला के निंदा कईले

खैबर पख्तूनख्वा के मुख्यमंत्री अली अमीन गंदापुर अतवार के दिने भइल एह आत्मघाती हमला के निंदा कइले बाड़न. उs एs पूरा घटना के लेके विस्तृत रिपोर्ट मंगले बाड़े। सीएम बम विस्फोट में शहीद भईल दुनो पुलिसकर्मी के श्रद्धांजलि देले बाड़े। उs कहले कि अयीसन कायरता से भईल हमला से पुलिस के मनोबल कम ना होई।

इहो पढ़ीं: पानी रोकले के जुर्रत ना करे भारत, नाहीं तs…’, बिलावल के बाद अब पीएम शहबाज दिहलस खुलल चुनौती