नया मंत्रिमंडल- लगभग 99 प्रतिशत नयका मंत्री करोड़पति बाड़े। विश्लेषण भइल 71 मंत्री में से 70 मंत्री करोड़पति श्रेणी में संपत्ति घोषित कइले बाड़े।
हाइलाइट
- टीडीपी कोटा से मंत्री बनल पेम्मासानी सबसे अमीर मंत्री हवे।
- ज्योतिरादित्य सिंधिया दूसरा सबसे अमीर मंत्री बाड़े।
- तीसरा स्थान एचडी कुमारस्वामी के बा।
प्रधानमंत्री नरेंद्र मोदी के नेतृत्व में नयका मंत्री परिषद (नरेंद्र मोदी मंत्रिमंडल) के 71 सदस्यन में से 70 यानी 99 प्रतिशत करोड़पति बाड़े। मंत्री लोग के औसत संपत्ति 107.94 करोड़ रुपया बा। देश में चुनावी सुधार के दिशा में काम करे वाला संस्था एसोसिएशन ऑफ डेमोक्रेटिक रिफॉर्म (एडीआर) के मुताबिक, 6 मंत्री बाड़े, जवना के संपत्ति 100 करोड़ रुपया से जादे बा। एडीआर मंत्री लोग के चुनावी हलफनामा में दिहल जानकारी के आधार पs ई आकलन कइले बा। राज्य मंत्री डॉ. चंद्रशेखर पेम्मासानी के कुल संपत्ति 5705.47 करोड़ रुपया के संगे सबसे ऊपर बाड़े। दूसरा स्थान पs संचार मंत्री आ पूर्वोत्तर क्षेत्र के विकास मंत्री ज्योतिरादित्य एम. सिंधिया, जबकि तीसरा स्थान पs भारी उद्योग मंत्री आ इस्पात मंत्री एचडी कुमारस्वामी बाड़े।
नरेंद्र मोदी के कैबिनेट मंत्रियन के वित्तीय विवरण देबे वाली रिपोर्ट में बतावल गइल बा कि एहमें औसतन 107.94 करोड़ रुपिया के धन बा । प्रधानमंत्री नरेंद्र मोदी एतवार के दिने अपना 71 गो मंत्रियन के संगे शपथ लिहलन । अबकी बेर भाजपा के अपना दम पs बहुमत नइखे मिलल । एही से मोदी राष्ट्रीय लोकतांत्रिक गठबंधन के नेतृत्व कर रहल बाड़े।
केकरा लगे केतना संपत्ति बा ?
- सबसे अमीर मंत्री डॉ. चंद्रशेखर पेम्मासानी के संपत्ति में 5598.65 करोड़ रुपया के चल संपत्ति अवुरी 106.82 करोड़ के अचल संपत्ति शामिल बा। आंध्र प्रदेश के गुंटूर लोकसभा क्षेत्र से पेम्मासानी तेलुगु देसम पार्टी के टिकट पर जीत हासिल कइले बाड़न ।
- संचार मंत्री आ पूर्वोत्तर क्षेत्र के विकास मंत्री ज्योतिरादित्य एम. सिंधिया कुल 424.75 करोड़ रुपिया के संपत्ति घोषित कइले बाड़न । उनका धन के विवरण में 62.57 करोड़ रुपया के चल संपत्ति आ 362.17 करोड़ रुपया के अचल संपत्ति शामिल बा।
- कुमारस्वामी 217.23 करोड़ के मालिक हवे
- भारी उद्योग मंत्री आ इस्पात मंत्री आ जनता दल (सेक्युलर) के नेता एचडी कुमारस्वामी के कुल संपत्ति 217.23 करोड़ रुपया बा। उनका संपत्ति में 102.24 करोड़ रुपया के चल संपत्ति आ 115.00 करोड़ रुपया के अचल संपत्ति शामिल बा। एह तरह से ऊ मोदी मंत्रिमंडल के तीसरा सबसे अमीर मंत्री बाड़े। रेल मंत्री, सूचना आ प्रसारण मंत्री आ इलेक्ट्रॉनिक्स आ सूचना प्रौद्योगिकी मंत्री अश्विनी वैष्णव कुल 144.12 करोड़ रुपिया के संपत्ति घोषित कइले बाड़न जवना में 142.40 करोड़ रुपिया के चल संपत्ति आ 1.72 करोड़ रुपिया के अचल संपत्ति शामिल बा ।
- राव इंदरजीत सिंह के संपत्ति 121.54 करोड़ रुपया बा।
- सांख्यिकी आ कार्यक्रम कार्यान्वयन के राज्य मंत्री (स्वतंत्र प्रभार), योजना मंत्रालय के राज्य मंत्री (स्वतंत्र प्रभार) आ संस्कृति मंत्रालय के राज्य मंत्री राव इंदरजीत सिंह के कुल संपत्ति 121.54 करोड़ रुपया बा। उनका संपत्ति में 39.31 करोड़ रुपया चल संपत्ति आ 82.23 करोड़ रुपया अचल संपत्ति शामिल बा। वाणिज्य आ उद्योग मंत्री पीयूष गोयल 110.95 करोड़ रुपिया के संपत्ति घोषित कइले बाड़न । एहमें 89.87 करोड़ रुपिया के चल संपत्ति आ 21.09 करोड़ रुपिया के अचल संपत्ति शामिल बा ।
