प्रशासन से लेके रेलवे ले के सभ विभाग महाकुंभ खातीर तैयारी कईले बाड़े। प्रयागराज जिला के गंगा, यमुना आ सरस्वती नदी के पवित्र संगम पs 13 जनवरी से महाकुंभ 2025 शुरू हो रहल बा। दुनिया के सबसे बड़ धार्मिक आयोजन में से एगो महाकुंभ खातीर मजदूर के पूरा सेना तैनात बा। एकरा संगे रेलवे महाकुंभ खातीर 3 हजार स्पेशल ट्रेन चलावे के फैसला कईले बिया, जवना में से 560 ट्रेन रिंग रेल मार्ग पs चली।
डेढ़ लाख शौचालय बनल बा
एतने ना, महाकुंभ में आवे वाला लोग खातीर डेढ़ लाख टेंट अवुरी डेढ़ लाख शौचालय बनावल गईल बा। सफाई खातिर 15000 स्वच्छताकर्मी के भी तैनाती कईल जाई। एकरा अलावे पानी के सुविधा खातीर 1250 किलोमीटर लंबा पाइपलाइन भी बिछावल गईल बा। एकरा अलावे 67,000 एलईडी, 2000 सोलर लाइट अवुरी 3 लाख पौधा लगावल जाता। एह सब के अलावा महाकुंभ में 12 किलोमीटर क्षेत्र में 9 गो स्थायी घाट, 7 गो नदी के किनारे सड़क आ अस्थायी घाट के निर्माण हो रहल बा। जनता के सुविधा खातिर 7 बस स्टैंड भी बनावल जा रहल बा।
1186 सीसीटीवी लगावल गईल बा
एकरा अलावे प्रयागराज जंक्शन पs 6 बेड वाला ऑब्जरवेशन कक्ष भी बनावल गईल बा, जवना में ऑक्सीजन सिलेंडर, कंसंट्रेटर, ईसीजी मशीन, ग्लुकोमीटर, नेबुलाइजर अवुरी स्ट्रेचर के सुविधा होई। संगही, सुरक्षा के चलते 1186 सीसीटीवी कैमरा लगावल गईल, जवना में से कुछ एआई तकनीक पs चलेला।
9 स्टेशन पs काउंटर बा
नॉर्थ सेंट्रल रेलवे के ओर से कहल गईल कि पास के 9 स्टेशन पs 560 टिकटिंग प्वाइंट बनावे के इंतजाम कईल गईल। एहमें प्रयागराज जंक्शन, नैनी, प्रयागराज छेओकी, प्रयाग जक्शन, सुबेदार, फाफामऊ, प्रयागराज रामबाग, प्रयागराज संगम आ झुसी स्टेशन पs टिकट काउंटर बनावल गइल बा. मीडिया रिपोर्ट के मुताबिक एs बिंदु से रोज करीब 10 लाख टिकट बांटल जा सकता। महाकुंभ के देखत 15 दिन पहिले से टिकट खरीदे के इंतजाम हो चुकल बा।
कुल 13000 ट्रेन चली
उs आगे कहले कि रिंग रेल मार्ग पs भी ट्रेन चलावल जाई। प्रयागराज-अयोध्या-वाराणसी-प्रयागराज,प्रयागराज संगम-जौनपुर-प्रयाग-प्रयागराज, गोविंदपुरी-प्रयागराज-चित्रकूट-गोविंदपुरी आ झांसी-गोविंदपुरी-प्रयागराज-चित्रकूट-माणिकपुर-झांसी रूट पs ट्रेन चली। एह दौरान रेलवे 10000 से अधिका रेगुलर आ 3000 स्पेशल ट्रेन चलावे के काम करी। एकरा अलावे रिंग रूट पs 560 ट्रेन चली। यात्रियन के सुरक्षा खातिर 18 हजार से अधिका आरपीएस आ एसआरपी जवानन के भी तैनाती कइल जा रहल बा।
इहो पढ़ीं: सबेरे-सबेरे: गर्दन के समस्या से बानी परेसान, तs रोजे करीं इs Exercise
