पूर्व उप सभापति चंद्रशेखर सिंह के कइल गइल जिला बदर: भाजपा पार्षद के बेटा हs हिस्ट्रीशीटर चंद्रशेखर, तलाश में जुटल पुलिस
गोरखपुर नगर निगम के पूर्व उप सभापति आ हिस्ट्रीशीटर चंद्रशेखर सिंह के डीएम कोर्ट जिला बदर कs देले बा। देवरिया जिला के कोतवाली थाना में उनका 6 महीना हाजिरी देवे के होई। हालांकि, अभी चंद्रशेखर फरार बाड़ें, जेकरा तलाश में पुलिस टीम लागल बिया। ओहिजा, चंद्रशेखर के मां वर्तमान में भाजपा पार्षद बाड़ी।
2018 में भइल रहे कार्रवाई
दरअसल, 27 अक्टूबर 2018 के आवेदक राकेश कुमार के आवेदन पs मजिस्ट्रेट कोर्ट जिला बदर के कार्रवाई कइले रहे। बाकिर, फेर अपील कs के 7 फरवरी 2022 के चंद्रशेखर सिंह आपन पक्ष रखलें।
तलाश में जुटल पुलिस
एकरा बाद पावल कि चंद्रशेखर पs दर्ज कवनो मुकदमा में उनका के दोषमुक्त ना कइल गइल रहे आ ऊ शाहपुर थाना के हिस्ट्रीशीटरो हs। एकरा के आधार बनावत मजिस्ट्रेट कोर्ट पूर्व के जिला बदर के आदेस के फेर से अमल में ले आवे के आदेस दे दिहल। मजिस्ट्रेट कोर्ट से आदेस अइला के बाद से पुलिस ओकर तलाश में जुटल बिया।
साभार: दैनिक भास्कर
