कथित तौर पs झारखंड के हजारीबाग जिला में धार्मिक जुलूस के दौरान पत्थरबाजी भईल, जवना के चलते इलाका में तनाव पैदा हो गईल। बुध के एकरा बारे में जानकारी देत पुलिस कहलस कि फिलहाल स्थिति काबू में बा अवुरी घटना में शामिल लोग के पहचान कईल जाता। अनुमंडल पुलिस अधिकारी परमेश्वर कामती बतवले कि मंगलवार रात के करीब 11 बजे जामा मस्जिद चौक के नजदीक भईल इs घटना जब राम नवमी के जश्न के हिस्सा के तौर पs मंगला जुलूस निकालल जात रहे। उs कहले कि दुनो ओर से पत्थरबाजी भईल।
‘पत्थर चलावे के सही कारण अबे ले पता नईखे चलल’ एही बीच एगो अवुरी अधिकारी कहले कि पुलिस स्थिति पs काबू पावे खातीर हवा में गोली चला देलस। पुलिस के दावा बा कि स्थिति नियंत्रण में बा अवुरी मौका पs सुरक्षाकर्मी के तैनात कs दिहल बा। उs कहले कि पथराव के पीछे के सही कारण के बारे में अबे तक पता नईखे चलल। पुलिस अधिकारी कहले कि, ए घटना में शामिल लोग के पहचान होखता अवुरी जल्दिए उनुका के गिरफ्तार कs लिहल जाई। स्थानीय लोग के मुताबिक साम्प्रदायिक गीत बजावे के लेके दु समूह के बीच विवाद भईल, जवना के बाद दुनो ओर से पत्थरबाजी भईल।
इहो पढ़ीं: चेहरा के लटकत त्वचा के कस देई इs मास्क, कुछे दिन में जवान दिखे लागी त्वचा, जानीं कइसे इस्तेमाल करीं
