गोरखपुर के मिलल बड़ सौगात: सीएम योगी कइलें गोड़धोइया नाला के लोकार्पण, सीवरेज योजना के रखलें आधारशिला

गोरखपुर। गोड़धोइया नाला के पहिला चरण के रविवार के मुख्यमंत्री योगी आदित्यनाथ लोकार्पण कइलें। एकरा संगे-संगे ऊ गोड़धोइया नाला के दुनो किनारे बने वाला सड़क के भी शिलान्यास कइलें।

असुरन से चारफाटक रोड पर आयोजित कार्यक्रम में मुख्यमंत्री 495.24 करोड़ रुपया के लागत से पूरा भइल गोड़धोइया नाला परियोजना के पहिला चरण के लोकार्पण कइलें।

एकरा अलावा 92.72 करोड़ रुपया के लागत वाला परियोजना के दूसरा चरण, गोड़धोइया नाला के किनारे 65.93 करोड़ रुपया के लागत से बने वाला सड़क आ 721.40 करोड़ रुपया के लागत वाला गोरखपुर सीवरेज योजना जोन ए तीन के शिलान्यास कइलें।

जोन ए तीन में 17 वार्ड शामिल होई। एह योजना के तहत करीब 350 किलोमीटर लंबाई में सीवर लाइन बिछावल जाई। साथही 43 हजार 604 घरन से निकले वाला पाइप के सीवर लाइन से जोड़ल जाई।

READ MORE: Assam : ‘असम आ जाईं, धक्का देके बांग्लादेश में घुसा देब…’ राहुल गांधी पर जमके बरसलें CM हिमंत बिस्वा सरमा

https://khabarbhojpuri.com/himanta-biswa-sarma-attacks-rahul-gandhi-bangladesh-remark-shimla/