French Open 2022: रोहन बोपन्ना फ्रेंच ओपन में रचले इतिहास, मिडेलकूप के संगे मेन्स डबल्स के सेमीफाइनल में बनवले जगह

Rohan Bopanna & Middelkoop French Open 2022: भारत के स्टार टेनिस खिलाड़ी रोहन बोपन्ना आ डच खिलाड़ी एम मिडेलकूप 7 साल में पहिला ग्रैंडस्लैम सेमीफाइनल में पहुंच गइल बा लो। ऊ लोग फ्रेंच ओपन पुरुष युगल क्वार्टर फाइनल में लॉयड ग्लासपूल आ हेनरी हेलियोवारा के हरावल। बोपन्ना एह मुकाबला में शानदार प्रदर्शन करत अपना साथी खिलाड़ी मिडेलकूप के संगे मिलके जीत हासिल कइले।

बोपन्ना आ मिडेलकूप ब्रिटेन के ग्लासपूल आ फिनलैंड के हेलियोवारा पs 4-6, 6-4, 7-6 से जीत दर्ज कइल लो। एकरा पहिले बोपन्ना 2015 विम्बलडन में रोमानिया के फ्लोरिन मर्जिया के संगे सेमीफाइनल में पहुंचल रहस जहां ओह लो के जीन जूलियन रोजर आ होरिया टेकाउ हरवले रहस।

42 बरिस के बोपन्ना आ 38 बरिस के मिडेलकूप अब 12वीं वरीयता प्राप्त मार्शेलो अरेवालो आ जीन जूलियन रोजर से खेली लो। बोपन्ना आ मिडेलकूप पहिला सेट गंववला के बाद दमदार वापसी कs के दूनो सेट जीत लिहल लो। ऊ लोग विम्बलडन चैम्पियन जोड़ी मेट पेविच आ निकोला मेकटिच एकरा पहिले सनिचर के हरवले रहे लो।

गौर करे आला बात बा कि रोहन बोपन्ना आ मैटवे मिडेलकूप के जोड़ी के सामना सेमीफाइनल में जीन-जूलियन रोजर आ मार्सेलो अरेवलो से होई। ई मैच 2 जून के खेलल जाई। रोहन के बात करी तs ऊ अभी ले पुरुष डबल्स में कवनो ग्रैंड स्लैम नइखन जीत सकल। ऊ साल 2010 में यूएस ओपन में अब तक के बेस्ट परफॉर्मेंस देले रहस।

2644110cookie-checkFrench Open 2022: रोहन बोपन्ना फ्रेंच ओपन में रचले इतिहास, मिडेलकूप के संगे मेन्स डबल्स के सेमीफाइनल में बनवले जगहno