90 साल के भइलें पूर्व प्रधानमंत्री मनमोहन सिंह, पीएम मोदी अउरी राहुल गांधी देहलें बधाई

By कुमार आशू On Sep 26, 2022

प्रधानमंत्री नरेंद्र मोदी भारत के पूर्व प्रधानमंत्री डॉ मनमोहन सिंह के उनके 90वें जन्मदिन पs बधाई भेजले बानें अउरी उनके लमहर अउरी स्वस्थ जीवन के कामना कइलें। पीएम मोदी ट्वीट करत लिखलें कि पूर्व पीएम डॉ मनमोहन सिंह जी के जन्मदिन के बधाई। उनके लमहर अउर स्वस्थ जीवन खातिर प्रार्थना।

राहुल गांधी भी देहलें बधाई

उहवें कांग्रेस नेता राहुल गांधी भी डॉक्टर मनमोहन सिंह के जन्मदिन के बधाई दीहलें। उ लिखलें कि भारत के बेहतरीन राजनेता लोग में से एक, डॉ मनमोहन सिंह जी के जन्मदिन के बहुत-बहुत शुभकामना। भारत के विकास में उनकर विनम्रता, समर्पण अउरी योगदान में कुछ समानता बा। ऊ हमरे खातिर अउरी करोड़न अन्य भारतीयन खातिर एगो प्रेरणा बानें। हम उनके निम्मन खातिर प्रार्थना करतनी।

मनमोहन सिंह के जन्म 26 सितंबर,1932 भइल रहे
मनमोहन सिंह के जन्म विभाजन से पहिले 26 सितंबर, 1932 के पंजाब के गाह गांव में भइल रहे। उ पंजाब विश्वविद्यालय, कैम्ब्रिज अउरी ऑक्सफोर्ड में अध्ययन कइलें। लगातार दू बेर (2004-2014 ले) प्रधानमंत्री रहल डॉ सिंह आजु 90 साल के हो गइलें। उ एगो प्रसिद्ध अर्थशास्त्री हवें, जिनके 1990 के दशक में व्यापक सुधार शुरू करे के श्रेय देहल जाला।