मोनालिसा के फिल्म के ऑफर देवे वाला डायरेक्टर सनोज मिश्रा अरेस्ट, रेप केस में भइल गिरफ्तारी

महाकुंभ मेला में वायरल लड़की मोनालिसा के फिल्म के ऑफर देबे वाला निर्देशक सनोज मिश्रा के गिरफ्तकईलेs लिहल गइल बा. बलात्कार के मामला में गिरफ्तारी हो चुकल बा। दिल्ली हाईकोर्ट के जमानत खारिज कs दिहला के बाद मिश्रा के गिरफ्तार कर लिहल गइल. आरोप बा कि सनोज मिश्रा नायिका बने के आकांक्षा राखे वाली एगो छोट शहर के लईकी के संगे कई बेर दुष्कर्म कईले।

महा कुंभ में माला बेचत घरी सोशल मीडिया के क्वीन बनल मोनालिसा के निर्देशक सनोज मिश्रा अपना अगिला फिलिम द डायरी ऑफ 2025 में लेवे के एलान कइले बाड़न.

नशा अवुरी बलात्कार के आरोप

पीड़िता के मुताबिक, साल 2020 में उनुकर मुलाकात सनोज मिश्रा से टिकटोक अवुरी इंस्टाग्राम के माध्यम से भईल रहे।ओह समय उs झांसी में रहत रहली। कुछ समय तक दुनो लोग के बीच बातचीत चलल अवुरी ओकरा बाद निर्देशक 17 जून 2021 के उनुका के फोन कs के झांसी रेलवे स्टेशन पहुंचले। सामाजिक दबाव के हवाला देत पीड़िता जब उनुका से मिले से मना कs देलस तs आरोपी सनोज मिश्रा आत्महत्या के धमकी देले। एकरा बाद डर से पीड़िता ओकरा से मिले गईल। अगिला दिने 18 जून 2021 के आरोपी फेर से फोन कs के रेलवे स्टेशन पs बोलवले अवुरी आत्महत्या के धमकी देले।

आरोप लगावल गइल बा कि ओहिजा से आरोपी ओकरा के रिसॉर्ट में ले गइल आ ओकरा के मादक पदार्थ दे के बलात्कार कइलस. पीड़िता प्राथमिकी में बतवली कि आरोपी उनुका के आपत्तिजनक फोटो अवुरी वीडियो बनवले अवुरी विरोध कईला पs ओकरा के सार्वजनिक करे के धमकी देले बिया। एकरा बाद बियाह के बहाने कई बेर अलग-अलग जगह पs बोलवले अवुरी ओकरा संगे शारीरिक संबंध बनवले। संगही, फिल्म में काम मिले के वादा कs के उनुका के लुभावत रहले।

इहो पढ़ीं: चेहरा के लटकत त्वचा के कस देई इs मास्क, कुछे दिन में जवान दिखे लागी त्वचा, जानीं कइसे इस्तेमाल करीं