आजुकाल्हु कश्मीर में अतना जाड़ा हो रहल बा कि सगरी रिकार्ड तूड़ल जा रहल बा। दक्षिण कश्मीर आ जम्मू क्षेत्र आ सोनामार्ग के कुछ हिस्सा में बेहद जाड़ा के लहर के चलते रिकार्ड टूट गइल। जानकारी मिलल बा कि कोकरनाग के लार्नू में सभसे कम तापमान -17.7°C दर्ज भइल जबकि सोनामार्ग में तापमान -15.1°C ले गिर गइल। बता दीं कि पिछला कई दिन से जम्मू-कश्मीर में जारी बर्फबारी के चलते सामान्य जीवन बाधित हो गईल बा अवुरी लगातार जाड़ा बढ़ता।
आज के न्यूनतम तापमान-
कश्मीर क्षेत्र:
श्रीनगर = -0.3°C
काजीगुंड = -9.4°C
पहलगाम = -11.9°C
कुपवाड़ा = -4.4°C
कोकेरनाग = -9.4°C
गुलमर्ग = -12.0°C
सोनमर्ग = -15.1°C
अनंतनाग = -8.5°C
गांदरबल = -3.1°C
पुलवामा = -2.8°C
बांदीपोरा = -2.3°C
बारामूला = -1.5°C
बडगाम = -2.0°C
कुलगाम = -9.3°C
शोपियां = -10.7°C
लारनू = -17.7°C
लद्दाख:
लेह = -9.4°C
कारगिल = -11.5°C
मौसम विभाग हिमस्खलन के चेतावनी दिहलस
मौसम विभाग के अधिकारी काल्हु कहले रहले कि जम्मू-कश्मीर में श्रीनगर-लेह राजमार्ग पs जोजिला अक्ष रेखा ऊपरी इलाका में फेर से बर्फबारी भईल, जबकि मैदान में बरखा भईल। स्थानीय मौसम कार्यालय जम्मू-कश्मीर के 6 जिला – पुंछ, बारामूला, बांदीपुरा, कुपवाड़ा, डोडा अवुरी गांदरबल खातीर हिमस्खलन के चेतावनी भी जारी कईले बा।
