बिजली मजदूर हड़ताल : सोनभद्र में गहराइल बिजली संकट , अईसने संचालित हो ता अनपरा-बी अउर डी परियोजना
वर्तमान में राज्य उत्पादन निगम के सबसे बड़ 2630 मेगावाट के अनपरा परियोजना से मात्र 1400 मेगावाट बिजली के उत्पादन हो रहल बा। 500 मेगावाट के अनपरा-बी के पहिला यूनिट रखरखाव के काम के चलते पहिलही से बंद बा। दूसरा इकाई से 464 मेगावाट के उत्पादन हो रहल बा।
बिजली कर्मचारी के हड़ताल के चलते राज्य में बिजली के संकट अउरी गहिराह होखे लागल बा। गुरुवार के रात 10 बजे के बाद कर्मचारी के हड़ताल के चलते बिजली उत्पादन में भारी गिरावट आईल। राज्य उत्पादन निगम के कई इकाई बंद हो गईल बा। इहाँ तक कि जवन यूनिट संचालित बा, ओकर उत्पादन निश्चित क्षमता से बहुत कम गिर रहल बा। बिजली के मांग पूरा करे खातिर निगम के निजी परियोजना अउरी केंद्रीय पूल से महंगा बिजली मिले के होई। हड़ताल के शुरुआती असर के संगे संकट के बढ़त आशंका बढ़े लागल बा।
वर्तमान में राज्य उत्पादन निगम के सबसे बड़ 2630 मेगावाट के अनपरा परियोजना से मात्र 1400 मेगावाट बिजली के उत्पादन हो रहल बा। 500 मेगावाट के अनपरा-बी के पहिला यूनिट रखरखाव के काम के चलते पहिलही से बंद बा। दूसरा इकाई से 464 मेगावाट के उत्पादन हो रहल बा। एही तरे अनपारा-डी के 500-500 मेगावाट के दुनो इकाई से 941 मेगावाट बिजली पैदा हो रहल बा। इ दुनो यूनिट के एनटीपीसी रात में ही सौंप देले रहे। अनपारा-ए के हस्तान्तरण लेबे से मना कइला का बाद एह परियोजना के 210 मेगावाट के दू गो इकाई के बॉक्स अप क दिहल गइल बा|
तीसरा इकाई रखरखाव पर बा। एही तरे 1000 मेगावाट क्षमता वाला ओबरा परियोजना से उत्पादन कम होके महज 220 मेगावाट हो गईल बा। परियोजना के 200 मेगावाट के पांच यूनिट में से मात्र दु यूनिट बिजली पैदा कर रहल बा। एकरा में भी 12वीं यूनिट से 106 मेगावाट अवुरी 13वीं यूनिट से 115 मेगावाट बिजली पैदा होखत रहे। निगम के अन्य परियोजना भी हड़ताल से प्रभावित बा। 72 घंटा के हड़ताल शुरू भईला के 12 घंटा के भीतर परियोजना के बिजली उत्पादन डगमगा गईल बा। एकरा से अनुमान लगावल जा सकता कि हड़ताल के चलते राज्य में बिजली के संकट अउरी गहरा हो सकता। दूसर ओर बिजली मजदूर भी अपना मांग के समर्थन में अडिग बाड़े। सुरक्षा व्यवस्था के लेके सीआईएसएफ अउरी स्थानीय प्रशासन तैयार बा।
साभार- अमर उजाला
