सेंट्रल डेस्क। अमेरिका के राष्ट्रपति डोनाल्ड ट्रंप कहलें कि ईरान के संगे भइल अंतरिम सीजफायर समझौता अब खतम हो गइल बा। हालांकि, ऊ इहो कहलें कि बातचीत के रास्ता अभियो खुलल बा।जब ट्रंप से सीजफायर के मवजूदा इस्थिति के बारे में पूछल गइल, तs ऊ जवाब देलें, “हमरा हिसाब से ई अब खतम हो गइल बा।”
‘ईरान से डील करे में समय बरबाद होला’
ट्रंप आगे कहलें, “ओह लोगन से कवनो डील करे के मतलब बस समय बरबाद करे जइसन बा।” उनकर ई बयान तुर्किए के राजधानी अंकारा में आयोजित दू दिन के नाटो (NATO) शिखर सम्मेलन के दौरान सामने आइल।
हमला के बाद आइल बयान
ट्रंप के ई बयान अमेरिका के ओर से ईरान पs कइल गइल हमला के कुछ घंटा बाद सामने आइल। अमेरिकी पक्ष के अनुसार, ई कार्रवाई होर्मुज जलडमरूमध्य में टैंकर जहाजन पs भइल हमला के जवाब में कइल गइल। एह घटनाक्रम के बाद अमेरिका आ ईरान के बीच तनाव आउर बढ़े के संभावना जतावल जा रहल बा।
