बड़ एक्शन के संकेत! रक्षा मंत्री राजनाथ सिंह सेना प्रमुख के दिहले आतंक के खिलाफ कार्रवाई के खुलल छूट

जम्मू कश्मीर के डोडा में सेना आ आतंकियन के बीच बड़हन मुठभेड़ भइल बा. एह मुठभेड़ में सेना के एगो अधिकारी समेत 4 जवान शहीद हो चुकल बाड़े। बता दीं कि हालही में जम्मू कश्मीर के कठुआ में भइल आतंकी हमला में सेना के 5 जवान मारल गइल रहले.

अब सरकार एह बड़हन घटना पs कड़ा कार्रवाई करे के मूड में लउकत बिया. जानकारी के मुताबिक रक्षा मंत्री राजनाथ सिंह सेना प्रमुख से बात कs के मामला के संज्ञान लेले बाड़े। बतावल जाता कि रक्षा मंत्री राजनाथ सिंह सेना प्रमुख के आतंकवाद के खिलाफ कार्रवाई करे खातीर खुलल छूट देले बाड़े।