बंगाली के दिग्गज अभिनेता आ लोकप्रिय वाचक देवराज रॉय के निधन हो गइल. एह अभिनेता के बियफ़ें के रात एगो निजी अस्पताल में निधन हो गईल। कई महीना ले कई गो अंग खराब होखला के चलते गंभीर बेमारी से पीड़ित रहला के बाद उनुका निधन के खबर सोझा आईल। उनुकर उमिर 69 साल रहे। अभिनेता के कुछ महीना पहिले ब्रेन स्ट्रोक भी भईल रहे अवुरी उs न्यूरोलॉजिकल समस्या से भी ग्रस्त रहले। उनुका पीछे उनुकर पत्नी अनुराधा राय बाड़ी जे बंगाली अभिनेत्री आ लोकप्रिय समाचार वाचक रहली. 17 अक्टूबर के रात अभिनेत्री नेय्यत्तिनकारा कोमलम भी दुनिया के अलविदा कहली। एक दिन में दू गो मौत के खबर सुन के सिनेमा जगत में शोक मचल बा.
देवराज राय के हिट कैरियर
रॉय आपन कैरियर के शुरुआत मशहूर फिल्म निर्माता सत्यजीत रे के 1970 के फिल्म ‘प्रतिद्वंद्वी’ से कइलन आ ओकरा बाद दुसरका साल में मृणाल सेन के ‘कलकत्ता 71’ में अभिनय कइलन जवना खातिर उनुका दर्शकन के बहुते प्यार मिलल. उनकर कुछ अउरी लोकप्रिय फिलिमन में ‘दूजोन मिलबो अबार’, ‘स्मृतिस्मृति कथा बोले’, ‘जोड़ी कागोजे लेखो नाम’, ‘बड़ोदिर ब्रम्हचारी बाबा लोकनाथ’ आ ‘श्री रामकृष्ण विवेकानंद’ शामिल बा. उनकर आखिरी फिलिम रहल ‘भूत अद्भुत’ जवन साल 2014 में रिलीज भइल रहे. फिल्मन के अलावे रॉय डीडीके कोलकाता के लोकप्रिय न्यूजरीडर रहले आ आकाशवाणी कोलकाता पs कई गो नाटकन में उनुकर आवाज रेडियो दर्शकन के मंत्रमुग्ध कs दिहले बा.