स्पोर्ट्स डेस्क: आईपीएल 2025 में लखनऊ सुपरजाएंट्स के खिलाफ आईपीएल मैच में 12 रन से हार के सामना कइला के बाद मुंबई इंडियंस के कप्तान हार्दिक पांड्या सुक के कहलें कि उनकर टीम गेंदबाजी करत घरी 10-12 रन जादे खर्च कइलें।।मैच के बाद पुरस्कार समारोह में हार्दिक कहलें, ‘हारल हमेसा निराशाजनक होला। हम जदि ईमानदारी से कहीं तs मैदान में हमनी के 10-12 रन जादे खर्च कइनी सs। आखिरी में हमनी के एही अंतर से हरनी सs।’
हार्दिक अपना गेंदबाजी के तारीफ कइलें
हार्दिक एह मैच में 36 रन देके पांच विकेट लेलें। टी20 क्रिकेट में ऊ पहिला बेर पांच विकेट चटकवलें बाड़ें। ऊ कहलें, “हम हमेशा अपना गेंदबाजी के लुत्फ उठवले बानी। हमनी के लगे जादे विकल्प नइखे, बाकिर हम विकेट परखकके समझदारी से आपन विकल्प चुनेनी। हम विकेट लेला के जगह बल्लेबाजन से गलती करवावे आ ओह लोगन के डॉट गेना फेंके के कोसिस करेनी।’
‘बल्लेबाजी इकाई के रूप में पिछड़नी सs’
हार्दिक बल्लेबाजन के फटकार लगावत कहलें, हमरा लागत बा कि एगो बल्लेबाजी इकाई के रूप में हमनी के पिछड़ गइनी सs। हमनी के एगो टीम के रूप में जीतेनी सs आ एगो टीम के रूप में हार रहल बानी सs। केहू एगो के जिम्मेदार नइखी ठहरावल चाहत। एकर जिम्मेदारी पूरा बल्लेबाजी इकाई के लेवे के होई। हम पूरा जिम्मेदारी लेत बानी।’
तिलक के रिटायर्ड आउट होखला पs बयान
मुंबई तिलक वर्मा के ओह समय रिटायर आउट कर के फैसला कइलस जब टीम के जीत खातिर सात गेना में 24 रन के जरूरत रहे। तिलक बड़ शॉट खेले में संघर्ष करत रहस। ऊ 23 गेना में 25 रन बनवलें। हार्दिक एकरा बारे में पूछला पs कहलें, ‘हमनी के कुछ बड़ शॉट के जरूरत रहे, बाकिर ऊ अइसन ना कs पावत रहस। क्रिकेट में कुछ अइसन दिन आवेल, जब रउआ कोसिस करत बानी बाकिर ऊ सफल ना होला। बस अच्छा क्रिकेट खेलीं, हम एकरा के सरल रखल पसंद करेनी।’
लखनऊ के मिलल जीत
लखनऊ सुपर जाएंट्स रोमांचक मुकाबला में मुंबई इंडियंस के 12 रन से हराके आईपीएल 2025 में आपन दूसरका जीत दर्ज कइलें। लखनऊ पहिले बल्लेबाजी करत मिचेल मार्श आ एडेन मार्करम के अर्धशतकन के दम पs 20 ओवर में आठ विकेट पs 203 रन बनवलें।।जवाब में सूर्यकुमार यादव ने पचासा जड़लें, बाकिर उनकर कोसि स बेकार गइल आ मुंबई निर्धारित ओवर में पांच विकेट पs 191 रन बना सकल।
मुंबई खातिर सूर्यकुमार 43 गेना पs नव चौका आ एक छक्का के मदद से 67 रन बनवलें। मुंबई इंडियंस के कप्तान हार्दिक पांडया सानदार गेंदबाजी करत टी20 क्रिकेट में पहिला बेर पांच विकेट चटकवलें। हार्दिक चार ओवर में 36 रन देके पांच विकेट लेलें। ऊ मारक्रम (53), निकोलस पूरन (12), ऋषभ पंत (दु), डेविड मिलर (27) आ आकाश दीप (जीरो) के विकेट झटकलें।
