जबसे राष्ट्रपति डोनाल्ड ट्रंप कनाडा पs भारी टैरिफ लगावे के योजना के एलान कइले बाड़न तबसे कनाडा आ अमेरिका के बीच संबंध तनावपूर्ण बा. अब कनाडा के प्रधानमंत्री मार्क कार्नी दुनो देश के संबंध के लेके एगो बड़ बयान देले बाड़े। पीएम कार्नी कहले बाड़न कि कनाडा आ अमेरिका के बीच मजबूत आर्थिक, सुरक्षा आ सैन्य संबंधन के दौर खतम हो गइल बा.
पीएम मार्क कार्नी का कहले?
पीएम कार्नी ट्रंप के ऑटो टैरिफ के अनुचित बतवले अवुरी कहले कि इs देश के बीच मौजूदा व्यापार समझौता के उल्लंघन करता। अमेरिका अवुरी कनाडा के बीच संबंध के बारे में उs कहले कि ट्रंप अमेरिका के संगे कनाडा के संबंध के स्थायी तौर पs बदल देले बाड़े। कार्नी अमेरिका से संबंध खतम करे के बात भी कईले| उs कहले कि, अमेरिका से हमनी के संबंध अर्थव्यवस्था, सुरक्षा अवुरी सैन्य सहयोग पs आधारित रहे, बाकिर अब अमेरिका से हमनी के पुरान संबंध खतम हो गईल बा।
कनाडा जवाबी कार्रवाई करी
कनाडा के प्रधानमंत्री मार्क कार्नी इहो कहले कि कनाडा ऑटो टैरिफ के जवाबी कार्रवाई करी। उs कहले कि, हमनी के अपना जवाबी व्यापारिक कार्रवाई से अमेरिकी टैरिफ से लड़ब, जवना के असर अमेरिका में अधिकतम अवुरी कनाडा में कम से कम असर पड़ी।
लाखों लोग के नौकरी खतरा में बा कनाडा के प्रधानमंत्री के इs बयान अयीसन समय में आईल बा जब राष्ट्रपति ट्रंप टैरिफ बढ़ावे के फैसला कईले बाड़े। ट्रंप अमेरिका में ना बनल सगरी गाड़ियन पs 25 फीसदी टैरिफ लगावे के एलान कइले बाड़न. इs फैसला कनाडा के ऑटो उद्योग खातीर एगो बड़ समस्या साबित हो सकता। ट्रंप के एह फैसला से कनाडा के ऑटो इंडस्ट्री में काम करे वाला 5 लाख से अधिका लोग के नौकरी खतरा में पड़ जाई। कार्नी 14 मार्च के जस्टिन ट्रूडो के जगह प्रधानमंत्री के पद सम्हरले।
इहो पढ़ीं: चेहरा के लटकत त्वचा के कस देई इs मास्क, कुछे दिन में जवान दिखे लागी त्वचा, जानीं कइसे इस्तेमाल करीं
