पटना। ज्ञान बिंदु कोचिंग के संचालक रौशन आनंद के भाई प्रिंस यादव के नेपाल में संदिग्ध परिस्थिति में मौत हो गइल बा। प्रिंस यादव के नाम फैजल खान सर के कोचिंग में भइल तोड़फोड़ के ममिला में दर्ज एफआईआर में सामिल रहे।
प्राथमिकी दर्ज भइला के बाद प्रिंस यादव नेपाल भाग गइल रहे। जानकारी के मोताबिक, नेपाल के एगो होटल में ओकर शव मिलला के बाद हड़कंप मच गइल। घटना के सूचना मिलतही स्थानीय पुलिस मवका पs पहुंचल आ ममिला के जांच सुरू कs देलस।
बतावल जा रहल बा कि प्रिंस यादव के संगे नेपाल गइल आउर लोगन से पुलिस पूछताछ करतिया। पुलिस हर पहलू से ममिला के जांच में जुटल बा।
फिलहाल प्रिंस यादव के मौत कइसे भइल, एकर स्पष्ट जानकारी सामने नइखे आइल। मौत के कारण के पता लगावे खातिर जांच जारी बा। पुलिस अधिकारी लोग कहल कि जांच पूरा भइला के बाद पूरा ममिला साफ हो पाई।
