अगर रउवा वैष्णो देवी के घूमे जा रहल बानी तs ई खबर जरूर पढ़ीं, उहाँ गईला के बाद कुछ समस्या के सामना करे के पड़ सकेला। एकर कारण बा कि श्री माता वैष्णो देवी संघर्ष समिति अपना मांग खातीर शुक के रात 72 घंटा के कटरा बंद के आह्वान कईले, जवना में प्रस्तावित रोपवे परियोजना के स्थगित कईल अवुरी माता वैष्णो देवी मंदिर के बेस कैंप कटरा में बंद प्रदर्शनकारी के रिहा कईल शामिल बा।
विवाद बढ़ रहल बा
जम्मू कश्मीर के रियासी जिला के त्रिकूटा पहाड़ी में प्रस्तावित रोपवे परियोजना के विरोध में शुक के लगातार तीसरा दिन कटरा पूरा तरीका से बंद रही। हड़ताल में बहुत महिला अवुरी बच्चा भी भाग लेले, जबकि युवक तीसरा दिन अनशन जारी रखले। उs लोग पहिले के विरोध प्रदर्शन के दौरान पुलिस के ओर से हिरासत में लिहल लोग के रिहा करे के मांग करतारे।
पूर्व मंत्री जुगल किशोर शर्मा कहले कि, समिति बंद के 72 घंटा बढ़ावे के फैसला कईले बिया। त्रिकुटा पहाड़ी के रोपवे परियोजना रद्द कs के हिरासत में लिहल लोग के तुरंत छोड़ देवे के मांग करतारे। एह आंदोलन में सभे दल एकमत बा। इहाँ विभिन्न दल के प्रतिनिधि मौजूद बाड़े। रोपवे परियोजना के खिलाफ लड़ाई में सभे एकजुट बाड़े।”
आंदोलन तेज हो जाई
शर्मा कहले कि आवे वाला दिन में एs आंदोलन के अवुरी तेज कईल जाई। बता दीं कि श्री माता वैष्णो देवी संघर्ष समिति बुध के दिने बंद के आह्वान कइले रहे. समिति के कहनाम बा कि बंद के दौरान कटरा के सभ गतिविधि स्थगित रही। शहर भर में करिया झंडा फहरावल गइल आ तिसरका दिने दोकान, रेस्टोरेंट आ अउरी व्यापारिक प्रतिष्ठान बंद रहल आ गाड़ियन के आवाजाही ठप्प हो गइल. समिति के प्रवक्ता कहले कि, इs बंद हमनी के रोपवे परियोजना के खिलाफ शांतिपूर्ण विरोध के हिस्सा हs। समिति जल्दिए अगिला कार्रवाई के फैसला करी।
इहो पढ़ीं: अतवारी छौंक: ‘बात कुछ पुरनका दौर के’ प्यार तs भइल बाकिर ताउम्र रहली अकेले…एह सुपरस्टार हीरोइन के जानीं कहानी
