शनिचर के सबेरे दिल्ली-एनसीआर में घना कोहरा रहे। एकरा चलते दिल्ली के कुछ हिस्सा में विजिबिलिटी जीरो ले पहुंच गईल। घना कोहरा के चलते यातायात प्रभावित हो गईल। भारत के मौसम विभाग (आईएमडी) अतवार के यलो अलर्ट जारी कईले बा। मौसम विभाग दिन के सबेरे मध्यम से घना कोहरा के चेतावनी देले बा। अतवार के सबेरे दिल्ली में भी हवा शांत रहल। एकरा चलते शहर के हवा के गुणवत्ता खराब हो गईल।
पालम में शनिचर के सबेरे डेढ़ बजे ले 150 मीटर के दृश्यता रहे। एह दौरान हवा के गति 2-3 किमी प्रति घंटा के बीच रहे। सबेरे साढ़े पांच बजे ले दृश्यता 50 मीटर ले कम हो गईल अवुरी सबेरे आठ बजे ले ओसही रहल। आईएमडी के मुताबिक सबेरे 9 बजे ले दृश्यता में सुधार होके 100 मीटर हो गईल, जवना समय हवा के गति चार किलोमीटर प्रति घंटा रहे।
शफदरगंज में जीरो विजिबिलिटी
शफदरगंज में सबेरे 1.30 बजे मध्यम कोहरा दर्ज भइल। एकरा संगे विजिबिलिटी 200 मीटर ले गिर गईल, जवन कि सबेरे सात बजे 50 मीटर ले गिर गईल अवुरी सबेरे आठ बजे ले शून्य हो गईल। शफदरगंज में आखिरी बेर 15 जनवरी 2025 के सबेरे 8 बजे से 10 बजे के बीच जीरो विजिबिलिटी दर्ज भइल रहे। शफदरगंज में सबेरे करीब 9 बजे दृश्यता में सुधार होके 200 मीटर हो गईल।
अतवार के दिने यलो अलर्ट
आईएमडी के एगो अधिकारी कहले कि, “बहुत शांत हवा के स्थिति के चलते बहुत घना कोहरा पैदा होखता। अतवार खातीर यलो अलर्ट जारी कईल गईल बा, जवना में दिल्ली के अधिकांश जगह पs मध्यम कोहरा अवुरी कुछ अलग-थलग जगह पs घना कोहरा के चेतावनी दिहल गईल बा।”
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
